Wahlen BL

S BL im Lemma isch s offiziell Chürzel vom Kanton Basel-Landschaft und wird bruucht, zum Verwächslige mit Yträäg vom Name Wahlen vermyde, wo öppis anders meined.
Wahlen
Wappe vo Wahlen
Wappe vo Wahlen
Basisdate
Staat: Schwiiz
Kanton: Basel-Landschaft (BL)
Bezirk: Laufenw
BFS-Nr.: 2792i1f3f4
Poschtleitzahl: 4246
Koordinate: 605871 / 250221Koordinate: 47° 24′ 10″ N, 7° 30′ 59″ O; CH1903: 605871 / 250221
Höchi: 403 m ü. M.
Flächi: 5.42 km²
Iiwohner: 1542 (31. Dezämber 2022)[1]
Website: www.gemeinde-wahlen.ch
Charte
Charte vo WahlenDütschlandFrankriichKanton Basel-StadtKanton JuraKanton SolothurnKanton SolothurnKanton SolothurnKanton BernBezirk ArliseBezirk WaldeburgBlauen BLBrislachBurg im LeimentalDittigeDuggigeGrelligeLaufeLiesbergNenzligeRoggeburgRöschenzWahleZwinge
Charte vo Wahlen
ww
Dialäkt: Baseldütsch

Wahle, amtlig Wahlen, isch e politischi Gmeind im Bezirk Laufe im Kanton Basel-Landschaft in dr Schwiiz.

Verchehr

[ändere | Quälltäxt bearbeite]

Wahle het diräkti Strosseverbindige uf Breitebach, Büsserach, Grindel und Laufe. Dr Dräger vom öffentlige Verchehr isch dr Schwiizerischi Postautodienst, wo am Tarifverbund Nordwestschwiiz bedeiligt isch.

Wirtschaft

[ändere | Quälltäxt bearbeite]

Wichtigi Erwärbszwiig si d Landwirtschaft, s Gast- und s Chliigwärb.

S Schuelhuus vo Wahle

Gschicht

[ändere | Quälltäxt bearbeite]

Bim Bau vo dr Dorfchille het mä im Johr 1837 e Grabhügel gfunden, wo d Historiker dr Bronzezit zueordne. 1927 si Steichistegreber us em 8. Johrhundert zum Vorschiin cho. D Siidlig isch siinerzit an ere Römerstross gläge, wo vom Val Terbi in dr wälsche Schwiiz über e Blattebass am Blaue in d Nöchi vo Basel gfüehrt het. Dr Ortsname isch vom latiinische Vallum – das bedütet e Wall respektiv e Befestigung – abgleitet. En ersti urkundligi Erwähnig git s us dr zweite Helfti vom 12. Johrhundert under em Ortsname Waltenen. Denn zumol het dr Papst Alexander III. e Schwarzi Liste mit de wissentlige Find vom Chloster St. Alban gfüehrt. Dr Bischof vo Basel het er aagwiise, die us dr Chillegmeinschaft uszschliesse und s verbiete im Herzogtum vo de Zähringer Gottesdienst abzhalte. Under ihne si au d Brüeder vo Ramstei gsi, wo z Waltene Grundstück für sich beaasprucht hai.

Vom Drissigjöhrige Chrieg isch Wahle schwer betroffe worde. D Iiwohner hai sich im Nochberdorf Grindel in Sicherheit brocht.

1815 isch Wahle vom Wiener Kongräss em Kanton Bärn zuegordnet worde und het sidder zum Bezirk Laufe ghört. Ufgrund von ere Restrukturierig vo dr politische Gliiderig, wo in ere Volksabstimmig guetgheisse worden isch, ghört s Dorf sit em 1. Januar 1994 zum Kanton Basel-Landschaft.

Wappe

[ändere | Quälltäxt bearbeite]

S Wappe, wo vo dr Gmeind 1946 agnoh worden isch, wird wie folgt blasoniert: „In Rot e goldige Löu mit ere rote Zunge und ere silbrige Bewehrig, wo noch rächts lauf und e silbrige Baselstab hebt.“

Weblingg

[ändere | Quälltäxt bearbeite]
 Commons: Wahlen – Sammlig vo Multimediadateie

Fuessnote

[ändere | Quälltäxt bearbeite]
  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
Dä Artikel basiert uff ere fräie Übersetzig vu dere Version vum Artikel „Wahlen_BL“ vu de dütsche Wikipedia. E Liste vu de Autore un Versione isch do z finde.