Wasla (Schriftzeichen)

S Wasla uff em Alif bildet s "Verbindigsalif" in vokalisierte Tekscht

S Waṣla (arabisch وصلة‎) isch e optionals Schriftzeiche vo de arabische Schrift, wo Tekscht vokalisiert. Mer verwändet's, wenn e Vokal am Wortafang nit usgsproche wird, aber numme wenn er nit im absolute Alut (isoliert oder am Satzafang) stoht.

Säll isch bim bstimmte Artikel (ال‎), bi de Verbstämm VII bis X und denne ihre abgleitete Forme und mänke Wörter eso.

Wyl s Hamza am Wortafang immer e Alif als Drägervokal hät, cha s Wasla numme uff me Alif stoh. Sini Form isch säller vo me Sad (wo im Wort waṣla dinnesteckt) nochempfunde.

Eso-n-e Alif heißt mer Verbindigsalif. S Gegestück isch s Drännigsalif.

S Wasla im Unicode

[ändere | Quälltäxt bearbeite]

S Wasla isch in Verbindig mit em Alif als eiges Zeiche kodifiziert worre, ghört aber in mänke Schriftarte nit zum Zeicheinventar.

Unicode Codepoint U+0671
Unicode-Name ARABIC ALEF WASLA
HTML ٱ
ISO 8859-6 nit vorhande

Literatur

[ändere | Quälltäxt bearbeite]
  • Carl Brockelmann: Arabische Grammatik, § 7.



Dä Artikel basiert uff ere fräie Übersetzig vum Artikel „Wasla_(Schriftzeichen)“ vu de dütsche Wikipedia. E Liste vu de Autore un Versione isch do z finde.