William H. Crain
.png)
| Dialäkt: Mìlhüüserdiitsch |
Dr William Henry Crain (* 25. Nowamber 1848 z’ Galveston, Texàs; † 10. Hornung 1896 z’ Washington, D.C.) ìsch a àmerikànischer Jurischt un Politiker gsìì. Vu 1885 bis 1896 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa un Kàrriar
[ändere | Quälltäxt bearbeite]Dr William Henry Crain ìsch ànna 1848 z’ Galveston ìm Süüdoschta vum Bundesschtààt Texàs uff d’ Walt kumma. Ar ìsch dr Suhn gsìì vum William Davis un vu dr Emily Matilda Crain geboorena Blake. D’ Äältra, wo-n-üss New York City gschtàmmt hann, sìnn vor 1936 ìns Texàs üüssgwàndert gsìì. Dr Vàtter ìsch ànna 1854 gschtoorwa, àlso ìsch dr klaina William Henry Crain uff New York City gsanda worra. Därt ìsch’r biim Peter F. Harrington uffgwàcksa un ìsch ìn d’ äffentliga Schüala gànga. Ar hàt a Maischterpriafung àm St. Francis Xavier College bikumma. Ar hàt drnooh z’ Indianola-n-ìm Texàs fànga-n-àà Racht schtudiara un ìsch ànna 1871 àls Rachtsànwàlt züagloo worra. Àls Ànwàlt hàt’r z’äärscht z’ Indianola gschàfft. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi.
Vu 1872 bis 1876 ìsch dr Crain Bezirksànwàlt vum 23. texànischa Grìchtsbezrik gsìì. Vu 1876 bis 1878 ìsch’r Mìtglìed ìm Senàt vum Texàs gsìì. Drnooh hàt’r uff Cuero gwàndelt, wu-n-’r witter àls Ànwàlt gschàfft hàt. Ànna 1880 ìsch’r Delegiart’r àn dr Demokrààtischa Nàzionààlversàmmlung z’ Cincinnati-n-ìm Ohio gsìì. Àn dr Presidàntschàftswàhl vum saalwa Joohr hàt’r àls Wàhlmànn üss’m Texàs fìr dr demokrààtischa Kàndidààt Winfield Scott Hancock gwählt, wo vum Repüblikààner James A. Garfield gschlààga worra-n-ìsch.
Àn dr Kongrasswàhl vu 1884 ìsch dr Crain ìm sìebta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 4. März 1885 àls Noohfolger vum Thomas P. Ochiltree gsassa. Ar ìsch fìmfa Mol wìdergwählt worra un ìsch àlso bis züa siim Tood àm 10. Hornung 1896 ìm Kongrass blìewa. Sitter 1893 hàt’r därt àls Noohfolger vum Samuel W. T. Lanham dr älfschta Wàhlbezirk vum Texàs vertratta. Ìm Kongrass hàt’r geega d’ Àlkohoolprohibizioon gschtìmmt un hàt d’ Schtiirpolitik vum US-Presidànt Grover Cleveland unterschtìzt. Ìm Geegasàtz züa dr Mehrhait vu da texanischa demokrààtischa Kongrassmìtglìeder hàt’r sìch geega d’ fräija Präägung vu Sìlwermìnza gschtällt. Noh siim Tood ìsch ìm Kongrass dr Rudolph Kleberg sii Noohfolger gsìì —zamma mìt’m Kleberg hàt dr Crain z’ Cuero-n-àls Ànwàlt gschàfft ghàà.
Gschtoorwa-n-ìsch dr Crain àn’ra Lunga-n-äntzìndung z’ Washington, D.C..[1] Beardigt worra-n-ìsch’r uff’m Hillside-Frìedhoof z’ Cuero. Dr William Crain ìsch sitter Jüüli 1873 mìt dr Angeline G. Mitchell verhiirootet gsìì. D’ Hochzitt ìsch ìn’ra kàthoolischa Kìrìch gsìì. Mìt siinera Ehafràui hàt’r sìewa Kìnder ghàà.
Lìteràtüür
[ändere | Quälltäxt bearbeite]- Craig H. Roell: Crain, William Henry. In: Handbook of Texas. Texas State Historical Association (amerikanisches Englisch, tshaonline.org [abgerufen am 28. Juli 2022]).
- William Henry Crain. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 47–48 (amerikanisches Englisch).
Weblìnks
[ändere | Quälltäxt bearbeite]- William H. Crain im Biographical Directory of the United States Congress
- dr William H. Crain bii dr Legislative Reference Library of Texas (anglisch)
- William H. Crain in dr Datebank vu Find a Grave
Ainzelnoohwiisa
[ändere | Quälltäxt bearbeite]- ↑ Hon. W. H. Crain Dead. In: The Brownsville Herald. bii Newspapers.com, 10. Februar 1896, S. 7, abgruefen am 7. März 2022 (amerikanischs Änglisch).
