World Cube Association
| World Cube Association (WCA) | |
|---|---|
| |
| Grindig | 2004 |
| Vorstand | Olivér Perge, Pedro Santos Guimarães, Ron van Bruchem, Luis J. Iáñez, Alberto Pérez de Rada Fiol, Bob Burton |
| Direktorium | Direktorekomitee, 6 Komiteeleiter und 104 Delegierti (Ohni Kandidate) |
| Organisationstyp | Sportverein |
| Website | worldcubeassociation.org |
D World Cube Association (WCA) isch de wältwiiti Verein, wo Rubik's Cube-Wettbewärb usfüert und delegiert. Sie isch vom Ron van Bruchem vo Holland und em Tyson Mao vo de USA[1] gründet worde. S Ziel vo de WCA isch dass me „Meh Wettbewerb in meh Länder, mit meh Lüüt und meh Spass under fairä Konditionä“[2] cha durefüehre. Im Jahr 2017 hends aagfangä, sich in en Non-Profit-Organisation z verwandle.
D Struktur vo de WCA
[ändere | Quälltäxt bearbeite]Vorstand vo de WCA
[ändere | Quälltäxt bearbeite]De WCA-Vorstand (Offiziell The WCA Board of Directors, churz WCA Board) isch ds Team wo de Verein stüred und isch die höchscht Instanz. WCA-Direktore sind Offizielli vo de WCA und hend näbedbii d Rolle vomene Delegierte. De WCA-Vorstand isch für de ganz Verein WCA verantwortlich. Als Teil vo ihrer Arbet dönds Problem wo d WCA beiiflusse tönd und dönd die verschiedene Komitees drüber Benachrichtige. Ds Board luegt über alli Aafrage für Competitions und luegt öb sie fair uufbuut sind und für jedi Person uf dere Wält glichligi Chance git und denn die Wettbewerb aanimmt und aachündiget. Nach emene Wettbewerb liesed sie d Report vo de Delegierte, diskutiered über allmählichi Vorfäll und tönds denn schlussendlich uf de offizielle Websiite vo de WCA veröffentliche.
De Vorstand isch au verantwortlich a de WCA bi de Erfüllig vo ihrere Mission „Meh Wettbewerb in meh Länder, mit meh Lüüt und meh Spass under fairä Konditionä.“ Das heisst, dass sie Cubing bekannter mached und nüüi Lüüt zum Cube bringet.
Im Vorstand sind aktuell:[3]
| Mitglied | Land | Mitglied vom Direktorium sit |
|---|---|---|
| Ron van Bruchem | Holland | Juli 2003 |
| Pedro Santos Guimarães | Brasiliä |
März 2015 |
| Luis J. Iáñez | Spaniä |
Juli 2016 |
| Olivér Perge | Ungarn |
Juli 2017 |
| Alberto Pérez de Rada Fiol | Spaniä |
November 2017 |
| Bob Burton | USA |
November 2017 |
Näbed dene Direktoriummitglieder tüend verschideni Teams und Komitees und au Delegiertä Uufgabä verteile. D Presänz vo dene WCA Delegierte isch es Muess, wenn dä Wettbewerb offiziell werde söll. Aktuell hend öppe 80'000 Lüüt a WCA-Wettbewärb und Events teilgnuh.[4]
Teams und Komitees
[ändere | Quälltäxt bearbeite]Kommunikationsteam
[ändere | Quälltäxt bearbeite]Ds WCA-Kommunikationsteam isch verantwortlich für d Übersicht und unterstützt Kommunikation vo de WCA mit de Community und dä Öffentlichkeit. Dezue ghört au ds Fragebeantworte, wo überd Websiite abgeh worde sind und au d Social-Media-Accounts z verwalte. Ds Team dued a mehrere E-Mails vo de ganzä Wält am Tag antwortä, wo über Cubing-Wettbewerb oder was me a siim erschte Wettbewerb macht, grossi Medieaafrage übers Speedcubing und bi villne andere Problem. Vill Aafrage werdet zu de zueständige Teams oder Delegierte (wenn es um en Wettbewerb gaht) wiitergleitet.
Disziplinärkomitee
[ändere | Quälltäxt bearbeite]Ds Disziplinärkomitee dued en Aazahl vo Situatione untersueche und dued denn au Strafe verteile wenns nötig isch. Näbä andere Theme, chönted die Situatione schlimmi Verletzige vo de Regle sii oder eifach Problem mit dä Gmeinschaft. Sie mönnd mit vielne Instanzä vo Betrug, allgemeins Verhaltä und Striitigkeitä wie Organisatore und Delegierti en Wettbewerb leited. Sie sind au verantwortlich für intärni Problem.
Sie chönd vo allne Lüüt, wo im Vorstand sind oder au vo Gmeinschaftsmitglider kontaktiert werde, dass es eventuell Missachtige vo de Regle a Wettbewärb gid. De erschti Kontakt midem Team isch normalerwiis über es E-Mail oder gad diräkt. Wenn de Teamleiter dänkt, dass de Fall is Gebiet vom Disziplinärkomitee fallt, wird en Fall aktiviert. Ds Team dued denn probiere, mit jedere involvierte Person zrede, zum alli Siite vo de Story überzcho und en unabhängige Report vo de Ermittlige zerhalte. Wenn de Fall fertig isch und en Entscheidig gfalle isch, dönd sie alli relevante Persone informiere und wenns nötig isch en öffentlichi Aachündigung mache.
Einzelnachwys
[ändere | Quälltäxt bearbeite]- ↑ New WCA board member
- ↑ About the WCA. World Cube Association. Abgrüeft am 17 June 2016.
- ↑ WCA Organisation. Abgrüeft am 24 September 2017.
- ↑ WCA Statistics. World Cube Association. Abgrüeft am 24 September 2017.