YouTube
| YouTube | |
|---|---|
| |
| URL | www.youtube.com |
| Motto | „Broadcast Yourself“ |
| Kommerziäll | ja |
| Bschryybig | Videoportal |
| Regischtrierig | Google-Konto (optional; zum Uufelaade, Kommentiere und Bewärte) |
| Sproche | 62 Sprooche, drunder Dütsch |
| Eigetimer | Google Inc. |
| Urheber | Chad Hurley, Steve Chen und Jawed Karim |
| Erschine | 15. Februar 2005 |
YouTube (Ussprooch [ˈjuːtuːb oder ˈjuːtjuːb]) isch en Internet-Videoportal vo dr Google Inc. mit Sitz im kalifornische San Bruno (bi San Francisco), wo d Benützer druf gratis Video-Clips chönne aaluege, bewärte und uufelaade.
Uf dr Internetpresänz befinde sich Film- und Färnseeusschnitt, Musikvideos und sälberdrüllti Film. Sogenannti „Video-Feeds“ bzw. „Vlogs“ chönne in Blogs postet oder au äifach uf Websitene über e Brogrammierschnittstell iibunde wärde.
Über s YouTube-Partnerbrogramm[1] chönne Broduzänte, wo d Video von ene vil aagluegt wärde, sit 2007 Gäld verdiene. Hüfig organisiere sich Broduzänte zu Kooperazioone in Netzwärk (multi-channel-networks).[2]
Gschicht
[ändere | Quälltäxt bearbeite]YouTube isch am 14. Februar 2005 vo de dennzmaalige PayPal-Mitarbeiter Chad Hurley, Steve Chen und Jawed Karim ggründet worde. „Tube“ (eigetlech „Röhre“) staat umgangssprachlich für de Färnseer (abgleitet vom früechere cathode ray tube „Kathodestrahlröhre“), dr Name as Ganzes (wörtlich „Du Röhre“) chönnt mer as „Du sändisch“ verstaa. 2006 hets Google für umgrächnet 1,31 Milliarde Euro (i Akzie) gchouft.
Am 3. April 2018 isch churz vor 13 Uhr (UTC) e „aktiver Schütze“ (active shooter) i d YouTube-Zentrale z San Bruno gmäldet.[3] Di Tatverdächtigti Nasim Najafi Aghdam isch mit ere Pischtole bewaffnet gsi, er het sech ere Terrasse gnecheret u het du afa Schiesse. Drü Persone wärde verwundet, drunder hetts ou ei kritischi Verletzig gha. E wyteri Person verletzt sech, wo sie us em Gebäude flüchtet. D Polizei brichtet, dass d Schützi an ere Schusswonde stirbt, wo si sech sälber zuegfüegt het. Der Scheriff vo San Mateo County u di lokali Polizei vo San hei der Öffentlechkeit grate, sech vom Gebiet fernzhalte. Mehreri YouTube-Mitarbeiter veröffentleche uf Twitter u Snaptschät live was Aktuell im Campus passeirt. D Behörde hei zersch gmeint, di 39-jährigi Schützi Aghdam sig dür ne hüsleche Stryt zur Tat motiviert worde. Uf ihrer Website het si sech aber drüber beschwärt, dass si mit über 350.000 Ufrüef nur 0,10 Doller a Wärbeynnahme übercho het. Ds San Francisco General Hospital u ds Stanford University Medical Center hei d Opfer vom Vorfall behandlet, e 36-jährige Maa, e 32-jährigi u e 27-jährigi Frou.
Litratuur
[ändere | Quälltäxt bearbeite]- Jean Burgess, Joshua Green: YouTube: online video and participatory culture. Polity Press, Cambridge 2009, ISBN 978-0-7456-4479-0.
- Oliver Creutz: YouTube. Und die ganze Welt schaut zu. In: Stern, Nr. 15, 4. April 2012, S. 30–38. (Titelgschicht)
- Christoph Krachten, Carolin Hengholt: YouTube. Spaß und Erfolg mit Online-Videos. 2., aktualisierte Auflage. dpunkt, Heidelberg 2014, ISBN 978-3-89864-817-2.
- Pelle Snickars: The YouTube reader. National Library of Sweden, Stockholm 2009, ISBN 978-91-88468-11-6.
- Reto Stuber: Erfolgreiches Social Media Marketing mit Facebook, Twitter, XING und Co. Vierte, überarbeitete Auflage. Data Becker, Düsseldorf 2011, ISBN 978-3-8158-3063-5, S. 421-446.
- Christian Tembrink, Marius Szoltysek, Hendrik Unger: Das Buch zum erfolgreichen Online-Marketing mit YouTube. O’Reilly, Köln 2014, ISBN 978-3-95561-520-8.
Weblingg
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Erklärung des Partnerprogamms auf der Seite des Anbieters Google
- ↑ [1]
- ↑ CNBC Bericht (Memento vom 3. April 2018 im Internet Archive)