Ziitschtudie sind Ziit-Uufnahme für Arbeitsvorgäng vor allem in Induschtriibetriibe. Mit dene Messige chamme präzisi Date erhebe zur Feschtlegig vo Lohn-Syschtem. Teils werde die Messige hüüt au mit Informatik-Mittel duregfüert. In Düütschland isch d REFA, dr Verband für Arbeitsgestaltung, Betriebsorganisation und Unternehmensentwicklung die wichtigschti Organisation defür. Sowohl d Betriibswirtschaftslehr wie die technischer orientierti Betriibswisseschaft befasse sich wisseschaftlich mit dene Schtudie.