Zwingen

Zwingen
Wappe vo Zwingen
Wappe vo Zwingen
Basisdate
Staat: Schwiiz
Kanton: Basel-Landschaft (BL)
Bezirk: Laufenw
BFS-Nr.: 2793i1f3f4
Poschtleitzahl: 4222
Koordinate: 607146 / 253619Koordinate: 47° 26′ 0″ N, 7° 32′ 0″ O; CH1903: 607146 / 253619
Höchi: 341 m ü. M.
Flächi: 4.62 km²
Iiwohner: 2685 (31. Dezämber 2022)[1]
Website: www.zwingen.ch
Charte
Charte vo ZwingenDütschlandFrankriichKanton Basel-StadtKanton JuraKanton SolothurnKanton SolothurnKanton SolothurnKanton BernBezirk ArliseBezirk WaldeburgBlauen BLBrislachBurg im LeimentalDittigeDuggigeGrelligeLaufeLiesbergNenzligeRoggeburgRöschenzWahleZwinge
Charte vo Zwingen
ww
Dialäkt: Baseldütsch

Zwinge, amtlig Zwingen, isch e politischi Gmeind im Bezirk Laufe im Kanton Basel-Landschaft in dr Schwiiz.

Geographii

[ändere | Quälltäxt bearbeite]

Zwinge lit im Laufedal uf 347 m ü.M. wo d Lüssel in d Birs mündet. Nochbergmeinde si Laufe, Brislech, Aenzlige, Blaue und Dittige.

Wappe

[ändere | Quälltäxt bearbeite]

Zwei krüzti, silbrigi Liliestäb uf schwarzem Grund. Abgseh vo de Farbe isch s idäntisch mit em Wappe vo Brislech. Die zwei krüzte Liliestäb si s Wappe vo de Freiherre vo Ramstei gsi (vgl. au mit de Wappe vo Bretzwil, Brislech, Nunnige und Zullwil).

Gschicht

[ändere | Quälltäxt bearbeite]

Zum erste Mol wird Zwinge as Zinwingen am 14. März 1194 erwähnt, won es dr Papst Coelestin III. em Chloster Beiwil versproche het. Vo 1312 aa isch es as Lääche bi de Herre vo Ramstei gsi. Im Mittelalter isch vor allem d Oswaldskapälle vo Bedütig gsi. Am 6. Septämber 1359 hai 18 Bischöf bim ene Dräffe im Papstpalast z Avignon festgleit, ass jede, wo d Oswaldskapälle wurd bsueche, en Ablass vo 40 Däg bechiem. Vo 1459 aa het s Dorf em Bischof vo Basel ghört und het bis 1792 d Vogtei Zwinge bildet. Vo 1573 bis 1673 isch dr Judeacker z Zwinge d Begräbnisstett für d Jude gsi, wo im Bistum Basel gwohnt hai.

Vo 1792 aa, noch em Iimarsch vo de Franzose, het Zwinge zur Raurakische Republik und denn zum Kanton Laufe ghört, wo zum Departement Mont Terrible cho isch.

1815 het dr Wiener Kongräss entschiide es em Kanton Bärn zuezschloo. 1994 het Zwinge as eini vo 13 Gmeinde im Laufedal vom Kanton Bärn zum Kanton Basel-Landschaft gwächslet.

S Schloss Zwinge

[ändere | Quälltäxt bearbeite]

Dr Ortsname stoht in diräkter Verbindig zum Schloss Zwinge, wo im Johr 1312 zum erste Mal erwähnt worden isch. Baut hai es d Freiherre vo Ramstei. Spöter isch es an dr Fürstbischof vo Basel gange. 1792 isch s Schloss Nationalguet worde. Es het mehrmols dr Bsitzer gwäggslet. Under ihne isch au d Papiirfabrik Zwinge gsi, won e grosse Deil vo dr Burg het lo abrisse. Sit 1993 isch es im Bsitz vo dr Gmeind.

Wirtschaft

[ändere | Quälltäxt bearbeite]

Zwinge lit im Iizugsgebiet vom Wirtschaftsruum Nordwestschwiiz und bietet e Hufe Arbetsblätz in chliine und middlere Undernähme.

Verchehr

[ändere | Quälltäxt bearbeite]

Zwinge lit an dr Verchehrsaggse zwüsche Basel und em Kanton Jura. Es verfüegt über en S-Bahn-Bahnhof an dr Juralinie vo Basel-Laufe-Delémont und isch dorum guet erschlosse. Vo Zwingen us verchehre usserdäm Postauto-Linie uf Blaue/Aenzlige, und via Breitebach uf en Passwang ufe.

Sehnswürdigkeite

[ändere | Quälltäxt bearbeite]
S Schloss Zwinge (BL)

Weblingg

[ändere | Quälltäxt bearbeite]
 Commons: Zwingen – Sammlig vo Multimediadateie

Fuessnote

[ändere | Quälltäxt bearbeite]
  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
Dä Artikel basiert uff ere fräie Übersetzig vu dere Version vum Artikel „Zwingen“ vu de dütsche Wikipedia. E Liste vu de Autore un Versione isch do z finde.