Орус тил

Орус тил — Россияныҥ тергеелик тили.

Орус тил кӱнчыгышславян бӧлӱкке кирип, славян тилдердиҥ индоевропей билезине кирет. Орус калыктыҥ тӧрӧл тили. Кӧп таркаган тилдердиҥ бирӱзи. Орустап куучындап турган улустыҥ тоозыла телекейде сегизинчи јерде, тӧрӧл тили орус болгон улустыҥ тоозыла — алтынчы јерде. Европада славян тилдердиҥ ортозында эҥ ле тыҥ таркаганы болуп јат, географиязыла да, тӧрӧл тили орус болгондорло.

Россия Федерацияныҥ тергеелик тили — орус тил, Алтай Республикада окылу тергеелик тилдердиҥ (алтай ла орус[1]) бирӱзи, Белорусияныҥ окылу тилднриниҥ бирӱзи, Казахстанныҥ, Киргизияныҥ ла база кезик јерлердиҥ окылу тили болуп јат. Орус тил — Тӧс Евразияда ла Кӱнчыгыш Европада, алдында Совет Союзка кирген тергеелердиҥ эл-јондорыныҥ тил билижер аргазы. Ого коштой ООН, ЮНЕСКО ло оноҥ до ӧскӧ калыктар ортодо тузаланып турган алты тилдиҥ бирӱзи.

Россияда орустап куучындап турган улустыҥ тоозы — 137,5 млн кижи[2]. Јер телекейде орус тилди билер улустыҥ тоозы — 260 млн кижи[3].

Тайантылар

[тӱзедер | кодты тӱзедер]
  1. ↑ Закон Республики Алтай от 3 марта 1993 года N 9-6 «О языках народов, проживающих на территории Республики Алтай» (с изменениями на 27 ноября 2020 года)
  2. ↑ Всероссийская перепись населения 2010 года. Т. 4. Национальный состав и владение языками, гражданство. 5. Владение языками населением Российской Федерации
  3. ↑ Голодец: русский язык знают около 260 миллионов человек в мире