Burundi

Burundi（蒲隆地）

Pulongti kapolongan kitakit(蒲隆地共和國)

Takaray sowal:

O Pulongti hananay a kitakit(Fransu sowal: République du Burundi), o kalopanganga a mitahidang o Pulongti(Fransu sowal:Burundi; Kuwaping sowal:蒲隆地). Itiraay i sakawali no Afrika a ilaloma’ay no karopow a kitakit, ikamis o Loanta, ikawali o Tanangniya, isaka’etip o Kangko ko fiyaw, mataliyokay nona tolo a kitakit, o kasala’ed ato Kangko malitosaay ko kalala’edan i Tankoniko-Fanaw(Ikiris sowal: Lake Tanganyika; Frensu sowal: Lac Tanganyika; Kuwaping sowal:坦噶尼喀湖).

O syoto tatapangan tokay o Citoka(Kolonti sowal:Gitega), o satata’angay a tokay i, o Posongpula(Fransu sowal:Bujumbura; Kuwaping sowal:布松布拉) o itiraay i salawacay no Tankoniko-Fanaw ko aro’ nona tokay.

Toloay kono sifo a sowal, kahaop ko sowal no Ikiris, Fransu ato Kolonti a sowal.

O cecay no samanikaway a kitakit itini i sasekal, o Kapolongan a Nitayalan a 'Epoc Ilaloma' no kitakit: GDP, Cemahadan a Sa’osi no

(Sa’osi no Kacemahadan no Tamdaw, kapolongan a Nitayalan a 'Epoc GNP) itini i sasekalan o isaikoray ko sa’osi, o cowa ho kacemahad a kitakit hananay no Linhoko.

Naw matira saan i,o lalood i laloma’ no kitakit,maco’os to payso ko malatapangay ato ikararemay ko pitilidan, ’aloman ko ciadada ho Aicupin(Ikiris sowal:acquired immune deficiency syndrome，decdecay tilid:AIDS).[1]

Kaitiraan pala(地理)

Itiraay i sakwaki no Afrika a kakapela’an no Afrika karopaw, mataliyokay no roma a kitakit, ira ko masamaan a palapala,oya sa’akawangay a tokos i,o kalacinowasan no tata’angay ’alo no Afrika Nilo’alo ato Kanko ’alo, pacingangan han to 「faloco’ no Afrika」, o polong a sera ira ko 27,830 km² ko kakahad.[2]

Kasasilsil no sakowan(行政區劃)

O polong a kasasilsil no sakowan ira ko 17 sakowan, I 2000 miheca o Sonpula sakowan mikalitosan to Posongpolasi ato Posongpola mamangay

Polaposong a Tokay (BujumburaFromCathedral)

.

	’Amis	Kowaping	Fransu/Ikiris	Dadahal/ km²	Tamdaw/2008
1	Pupanca/Sakowan	布班扎省	Bubanza Province	1,089	500404/2008
2	Posongpola	布松布拉	Bujumbura	127	1,092,859/2019
3	Posongpola Niyaro’	布松布拉鄉村省	Bujumbura Rural	1,089	436,896/1999
3	Pululi	布魯里省	Bururi province	2,465	504000/2007
5	Kankuco	坎庫佐省	Cankuzo province	1,965	210,000/2011
6	Sipitokay	錫比托凱省	Cibitoke Province	1,636	491,000
7	Kitociya	基特加省	ntaraya Gitega	1,979	675,000
8	Kaluci	卡魯濟省	Karuzi Province	1,457	507,000/2007
9	Kayangto	卡揚扎省	Kayanza	1,233.2	485,815/1999
10	Kilongto	基龍多省	Kirundo	1,703	628,000/2007
11	Makanpa	馬坎巴省	Makamba	1,960	357,492/1999
12	Mulamuwiya	穆拉姆維亞省	Muramvya Province	696	252,833/1999
13	Muinka	穆因加省	Muyinga	1,836	485,347
14	Muwaci	穆瓦洛省	Mwaro	840	229,013
15	Inkaci	恩戈齊省	Ngozi	1,474	601,382
16	Lutana	魯塔納省	Rutana	1,959	306,000/2007
17	Luici	魯伊吉省	Ruyigi	2,339	304,567/1999

Nipili’etan kicai(經濟)

O kofi ato ociya ko sakakaay a sapili’etan to payso no roma a kitakit, nikawrira, o kakarayan toya mihecaan ko pi’arawan to kaci’etan anoca ko kasipon,ano ira ko cipadesay matongal ko kasipon toya mihecaan. O pawli, alilay ato falisan ko kalimeaan a losay,o pawli i o sakamo’etep i hekal ko kaadihay.[3]

Oroma a kalimelaan a losay ira ko takomod, kiyasafa,kalitang,kodasing,malinso,’emi, tamako, panay ato nanges.

O nipakaenan a ‘a’adopen ira ko ta’edaway ko wawa’ a kolong ato siri. O mifotingay a tayal itiraay aca i Tangkaniko Fanaw a masaopo, i 2005 miheca a nifotingan a foting ira ko 14200 ton ko kaadihay.[4]

O misanga’ay to dafong a tayal satapang sanay ho, o’edeng o misongila’ay to kafi ato amoto, i 2007 miheca o polong a masanga’ay tinki ira ko 9200 ko ofad a tu.[5]

Micolo’ay (交通)

Tadancaay ko micolo’ay a demak itini tona kitakit, away ko cilamalay, ono tosiya a lalan i, ira ko 12,322 km[6], ilaloma’ nonini i,’edeng 1286 km ko asfaloto a lalan, o mamangay a lalan ira ko 3700km ko kato’edaw, orama sato i,sahetoay o lalan no niyaro’.[7] O polong nona lalan i,caay ka ’imeren, ano maorad sa i,malapota’ay cowa ka nga’ay a rakaten.o polong a tosiya ira ko 48000 ko tosiya.[8]

O ka’eferan no hikoki o Pusongpula a ka’eferan, ira ko hikoki ma’efer tayra i Yoropa, Kangko kitakit ato Sakawaliay Arika.

Kali’aca to Kalokitakit(國際貿易)

O nipasadakan paliwal a dafong i 2009 mihecaan o polong a ‘etan 6800 Amirika payso,[9] o nipaliwalan a dafong o kafi, ociya, sato no tefos, takomod ato tolak no ’a’adopen.[10] O pipaliwalan a kitakit i,o Suisu, Ikiris, Pakistan,Pilisu, Luanta ato Aikipto.[11]

O roma sato i, o niacaan nani roma a kitakit a dafong i 2009 miheca polongen ira ko 2.75 ok payso no amirika,[12] o niacaan a dafong ira ko kikay,

ato dafong no simal ato kakaenen.[13] O piacaan a kitakit i,o SautiArapo, Pilisu,Ukanta, Kenya, Congko, Fransu, Toic, Indo, Tansangniya ato Dipong.[14]ci Safulo.

Tahapinangan Tilid (參考文獻)

[1] Eggers, E., Historical Dictionary of Burundi, p. xlix.

[2] 中央情報局世界概況—國家面積.

[3] 聯合國農業及糧食組織資料庫.

[4] Earth Trend World Resource Institute—漁業產量. （原始內容存檔於2011-07-21）.

[5] 國際能源總署—電力生產.[永久失效連結]

[6] 中央情報局世界概況--公路.

[7] 改寫自《非洲列國誌》蒲隆地--,頁273,1981年出版

[8] 世界銀行資料庫--車輛數每千人. （原始內容存檔於2014-02-09）.

[9] 中央情報局世界概況--出口總值.

[10] 中央情報局世界概況--出口總值

[11] 中央情報局世界概況--出口總值

[12] 中央情報局世界概況--出口總值

[13] 中央情報局世界概況--出口總值

[14] 中央情報局世界概況--出口總值

Kakafitan i papotal(外部連接)

Pi’arawan to lakaw