Alarico I

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alarico I
Rei d'os visigodos
395 - 410
Predecesor Atanarico
Succesor Ataulfo
Muerte anyo 410
Cosenza (Calabria)
Dinastía Baltingos

Alarico I estió un sobirán d'os visigodos celebre por haber saqueyato Roma y haber contribuito a la descomposición de l'Imperio Romano d'Occident. Reino dende l'anyo 395 dica l'anyo 410.

Dimpués de prener o títol de rei diriche a los visigodos t'o Epiro, con unas incursions de saqueyo por Tracia, Macedonya, Beocia, Focida y o Peloponiso con ciudaz como Corinto, Esparta, Argos y Megara, fue nombrato Magister militum de Iliria. Dende Iliria s'adreza enta Roma, pero ye aturato por Estilicón en Pollenza en l'anyo 402 y en Verona en l'anyo 403. A la muerte d'Estilicón asitia Roma, retirando-se con un tributo. Dimpués asitia a Honorio en a suya nueva capital Ravena.

En l'anyo 401 prene Roma, ye saqueyata y cremata, crebando con a ideya d'inviolabilidat d'esta ciudat, que por o menos levata ueito sieglos sin ser presa. Entre os prisioners os visigodos se levoron a Gala Placidia chermanastra de l'emperador Honorio.

Dimpués Alarico se dirichió enta lo sud d'Italia, con a intención de pasar enta Africa, morindo en Cosenza.

Mencions en fuents aragonesas

[editar | modificar o codigo]

Ye mencionato en a "Cronica de Sant Chuan d'a Penya, en a Cronica de los Conquiridors y en "Historia contra los paganos":

et depues de aquesti regnaron Federich et Acenaricuo, et regnaron entrambos ensemble. Mas Acenaricuo sobreuiuió et regnó todo solo. En tiempo de aquestos recibieron la fe christiana los godos. Pero depues por engaño et por fuerza del emperador Valient, qui era de la secta arriana, tornaron ereges en la error arriana; et muerto el dito Acenaricuo los ditos godos no quisieron esleir rey antes se sometieron a la senoria del Imperio de Roma, en la cual estuuieron XXXIII años. Et depues de aqueste tiempo esleyeron dos reyes por nombre Radagaiffo et Alarico et desobidioron al Imperio. Empero Alarico vuo la mayor senorya.
Et depues la muert de Radagaiffo, regnó todo solo en todo el Reyno, et aquesti Alarico demandó al emperador Honorio qui á las horas emperaua et sennoryaua al Imperio de Roma, á una paz con él et con el Imperio, et de venir en aquello. Et el dito Emperador fízolo et diéle por habitacion pacífica Gallia, qui agora ys dita Francia, et Espanya.
Et apres Atilla passo en Tuscia et priso todas las ciudades de aquella, et apres como sen fueron contra Roma con intencion de destruyr aquella, segunt que escriue Prisco et Jordan ystoriales, los suyos lo reuocaron de aquel proposito, no por saluar la ciudat la qual auien en aborrecimiento, mas proponiendo en eixemplo de Alarico, rey qui fue delos Videgodos, el qual, presa et derrobada la dicha ciudat, biuio poco tiempo apres. Et oydas aquestas cosas, Atilla huuo grant miedo, et destruyda et derrobada toda costana dela Marcha, et puesto fuego en aquellas, tornose a çaga
Et aq(ue)l ro(m)pimie(n)to et turbacio(n) Placida filla del p(r)incep Theodosio et hermana de archadio et de honorio Emp(er)adores de Ataulpho muyt cercano parie(n)t de Alarico fue p(re)sa et tomada por muller assi co(m)mo si Roma por diuino judicio de dios la huuiesse dada en rehenes por special penyo.


Predecesor:
Atanarico 		Rei d'os visigodos
395-410 		Succesor:
Ataulfo


Bibliografía

[editar | modificar o codigo]