Alcalatén
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| L'Alcalatén | |
| Comarca d'o País Valenciano | |
| Capital •Municipios |
Lucena 9 |
| Entidat •País •Provincia |
Comarca.svg){kind=small} País ValencianoCastellón |
| Superficie •Total |
648,7 km² |
| Población •Total •Densidat |
(2005) 16138 hab. 24,87 hab./km² |
 Mapa de situación en País Valenciano | |
L'Alcalatén ye una comarca valenciana de l'interior y montanyosa, con capital en Lucena. Muga a lo norueste con Aragón, a lo nord-este con l'Alto Mayestrato, a l'este y sud-este con a Plana Alta, a lo sud con a Plana Baixa, y a l'ueste y sudueste con l'Alto Millars.
Cheografía
[editar | modificar o codigo]A comarca s'articula arredol de Penyagolosa, ye una zona con muitos desnivels, alternando tierras planas y monts. Esto ye por asociacions de fallas que creban o terreno y fan que os bloques funditos sigan los que bi ha dirección ta la mediterrania.
Os ríos mas importants son o río Llucena y o río Seco, que abocan as suyas auguas ta a rambla de la Vídua.
En vechetación predominan os pinars, con unas zonas de paramera en dirección ta Chodos y Penyagolosa. En ixas zonas bi ha carrascals de paramera con presencia de sabinas tarabinas (Juniperus thurifera).
En as planas que bi ha entre as sierras bi ha agricultura mediterrania de secano: cerials, garroferas y oliveras.
Ye una comarca historica y sentita por a chent d'o lugar como bella cosa natural (L'Alcalatén terra de bona gent). Se remonta a la antiga Tinença de l'Alcalatém, una sinyoría concedita por Chaime I d'Aragón a los Ximénez d'Urreya. En a delimitación de comarcas de 1934 de Emili Beut recibe o nombre de Tinença d'Alcalatén, en a cuala no i yeran ni Atzeneta del Maestrat, ni Benafigos ni Vistabella de Maestrat, que cayeban en a comarca Alto Mayestrato pus heban estau de l'antigo Mayestrato de Montesa.
Toponimia
[editar | modificar o codigo]O nombre d'a comarca significa en arabe "Os dos castiellos". En aragonés medieval s'escribiba con -m como Cherusalem, como ye sabito, en aragonés no bi ha -m final y as palabras con -m final d'atras luengas rematan pronunciando-se con -n (Mirian, Alcorán, ecetra...).
Ye curioso que bi ha tres coincidencias con a Val de Xalón y Ribera Alta d'Ebro, tamién zonas d'influencia d'os Ximénez d'Urreya: Figueruelas en a Ribera Alta de l'Ebro y Figueruelas en l'Alcalatén, Lucena de Xalón en a Val de Xalón y Lucena en l'Alcalatén, Chodes en a Val de Xalón y Chodos en l'Alcalatén. Tamién bi ha una interpretación popular probablement fantasiosa que relaciona Les Useres con Masos dels Urrees.
A repoblación y sinyoría aragoneses se manifiestan en bels toponimos menors como Campiello y Torre de Foyos.
Historia
[editar | modificar o codigo]En o periodo de dominio musulmán en esta zona i heba berbers como en atras zonas d'o levant enta l'interior, berbers que s'arabizoron.
Cuan os exercitos d'a Corona d'Aragón conquerioron a zona (1233) forachitoron as poblacions musulmanas y trayoron catalans y aragoneses. Chaime cedió a Tenencia de l'Alcalatén a Ximeno d'Urreya o 24 de chulio de 1233. A sinyoría la tenioron dica 1798, cuan a muerte sin descendendencia d'o zaguer Ximenez d'Urreya, don Pedro Pablo Abarca de Boleya Ximenez d'Urreya, deceno Conte d'Aranda y famoso ministro ilustrato de Carlos III. Dende 1798 dica l'abolición d'o feudalismo en 1833 L'Alcalatén perteneixió a lo ducau d'Ixar. Huei a sinyoría de l'Alcalatén ye un títol honorifico d'a casa d'Alba.
Vistabella, Atzeneta y Benafigos en 1235 pasoron con a concordia de Montalbán entre Chaime I y Blasco d'Alagón a estar propiedat de Blasco chunto con as tierras d'o castiello de Cuella (Cuella, Molinell, Torre en Besora y Vilar de Canes). En 1303 o nieto d'él Guillén d'Anglesola venderá ista sinyoría a os templers. Con a disolución d'ista orden pasará a l'orden de Santa María de Montesa, on será a bailía o setena de Cuella dica l'abolición d'o feudalismo.
Parla
[editar | modificar o codigo]Se i charra catalán occidental valenciano con caracters d'o catalán nordoccidental.
| Municipios d'a comarca L'Alcalatén | |
|---|---|
| L'Alcora | Adzaneta | Benafigos | Costur | Figueruelas | Lucena | Las Useras | Vistabella | Chodos |
