All the Brothers Were Valiant

Iste articlo ye sobre una cinta de cine estausunidense de cine d'aventuras dramaticas de l'anyo 1953; ta atros usos, se veiga All the Brothers Were Valiant (desambigación) y All the Brothers Were Valiant (cinta).

All the Brothers Were Valiant
Títol	All the Brothers Were Valiant
Póster d'a cinta.
Ficha tecnica
Dirección	Richard Thorpe
Aduyant de dirección	Al Jennings
Dirección artistica	Randall Duell Cedric Gibbons
Producción	Pandro S. Berman
Guión adaptau	Harry Brown
Basau en	All the Brothers Were Valiant, novela de Ben Ames Williams (1919)
Musica	Miklós Rózsa
Soniu	Douglas Shearer
Fotografía	George J. Folsey
Montache	Ferris Webster
Escenografía	Hugh Hunt Edwin B. Willis
Vestuario	Walter Plunkett
Maquillache	John Truwe William Tuttle
Peluquería	Sydney Guilaroff
Efectos especials	A. Arnold Gillespie Warren Newcombe
Actors	Robert Taylor Stewart Granger Ann Blyth Betta St. John Keenan Wynn James Whitmore Kurt Kasznar Lewis Stone Robert Burton Peter Whitney John Lupton Jonathan Cott Mitchell Lewis James Bell Leo Gordon
Color	Technicolor
Datos y cifras
País(es)	Estaus Unius
Anyo	1953
Debantadera	13 de noviembre de 1953 Estaus Unius^[1]
Chenero(s)	Cine d'aventuras Cine de drama
Durada	95 min.
Idioma(s)	Anglés
Companyías
Productora(s)	Metro-Goldwyn-Mayer
Distribución	Loew's Inc.
Estudio(s)	Metro-Goldwyn-Mayer Studios
Presupuesto	1.816.000 dólars
Recauto	4.628.000 dólars
Informacions en bases de datos especializadas:

All the Brothers Were Valiant (títol orichinal en anglés, en aragonés Toz os chirmans tenioron pitera, enguerada en Aragón con o suyo títol traduciu enta lo castellano como Todos los hermanos eran valientes, en aragonés Toz os chirmans teneban pitera) ye una cinta de cine d'aventuras dramaticas de cine estausunidense de l'anyo 1953 dirichida por Richard Thorpe seguntes un guión adaptau por Harry Brown (basau en a novela All the Brothers Were Valiant, publicada por Ben Ames Williams en 1919, que ya heba estau adaptada en o cine en a cinta All the Brothers Were Valiant de cine mudo dirichida por Irvin Willat en 1923, que se considera que ye una cinta perdida). Componió la suya banda sonora orichinal o compositor Miklós Rózsa, estando la suya dirección de fotografía de George J. Folsey y la suya producción cinematografica de Pandro S. Berman ta la productora cinematografica Metro-Goldwyn-Mayer. Fan parte de l'elenco d'a cinta, entre d'atros actors, Robert Taylor, Stewart Granger, Ann Blyth, Betta St. John, Keenan Wynn, James Whitmore, Kurt Kasznar, Lewis Stone, Robert Burton, Peter Whitney, John Lupton, Jonathan Cott, Mitchell Lewis, James Bell y Leo Gordon.

Mark Shore ye lo capitán d'una goleta ballenera pero en tornar o barco en o suyo puerto d'orichen dende as islas Gilbert, Mark no i yera. Alavez o suyo chirmán Joel decide ocupar o cargo d'o suyo chirmán desapareixiu y aproveitar ta buscar-lo. Antis de marchar fa la suya voda con Priscilla Holt, qui marcha con él en o viache. Priscilla no tien masiada buena opinión de su mariu porque encara que en a familia d'él toz os hombres han amostrau tener pitera, piensa que él no en tien; amás li da fastio la odor a la graixa de ballena. Bel día en un puerto Mark puya en o barco inesperadament y explica que perdió lo barco en estar inchurrispiau y que marchoron sin él, dixando-lo albandonau. Mark preba de retantar a Priscilla y amás preba que su chirmán cambie lo rumbo d'o barco ta marchar en a busca d'un fabuloso trasoro de perlas, y en negar-se, convence a la tripulación ta que s'amotine.