American Gangster (cinta)

Iste articlo ye sobre una cinta biografica y policiaca de cine estausunidense de l'anyo 2007; ta atros usos, se veiga American Gangster.

American Gangster
Títol	American Gangster
Póster d'a cinta.
Ficha tecnica
Dirección	Ridley Scott
Dirección artistica	Nicholas Lundy
Producción	Ridley Scott Brian Grazer
Disenyo de producción	Arthur Max
Guión adaptau	Steven Zaillian
Basau en	The Return of Superfly, articlo de Mark Jacobson
Musica	Marc Streitenfeld
Fotografía	Harris Savides
Montache	Pietro Scalia
Escenografía	Sonja Klaus Leslie E. Rollins Beth A. Rubino
Vestuario	Janty Yates
Actors	Denzel Washington Russell Crowe Chiwetel Ejiofor Josh Brolin Lymari Nadal Ted Levine Roger Guenveur Smith John Hawkes RZA Yul Vazquez Malcolm Goodwin Ruby Dee Ruben Santiago-Hudson Carla Gugino John Ortiz Cuba Gooding Jr. Armand Assante Joe Morton Ritchie Coster Idris Elba
Color	Technicolor
Datos y cifras
País(es)	Estaus Unius Reino Uniu
Anyo	2007
Debantadera	19 d'octubre de 2007 Nueva York (Nueva York, Estaus Unius)^[1] 16 de noviembre de 2007 Reino Uniu^[1]
Chenero(s)	Cine biografico Cine policiaco Cine de gángsters
Durada	157 min.
Idioma(s)	Anglés Tailandés Castellano
Companyías
Productora(s)	Imagine Entertainment Scott Free Productions Relativity Media
Distribución	Universal Pictures
Presupuesto	100 millons de dólars
Recauto	266,5 millons de dólars
Informacions en bases de datos especializadas:

American Gangster (títol orichinal en anglés, en aragonés Gángster americano, enguerada en Aragón con o suyo títol orichinal) ye una cinta de cine biografico y cine policiaco de gángsters de l'anyo 2007 de cine estausunidense dirichida por Ridley Scott seguntes un guión adaptau por Steven Zaillian (basau en The Return of Superfly, un articlo publicau por Mark Jacobson en o magazine New York), con una banda sonora orichinal de Marc Streitenfeld, una dirección de fotografía de Harris Savides y una producción cinematografica de Ridley Scott y Brian Grazer ta las productoras Imagine Entertainment, Scott Free Productions y Relativity Media. L'elenco d'actors principals d'a cinta ye formau, entre d'atros, por Denzel Washington, Russell Crowe, Chiwetel Ejiofor, Josh Brolin, Lymari Nadal, Ted Levine, Roger Guenveur Smith, John Hawkes, RZA, Yul Vazquez, Malcolm Goodwin, Ruby Dee, Ruben Santiago-Hudson, Carla Gugino, John Ortiz, Cuba Gooding Jr., Armand Assante, Joe Morton, Ritchie Coster y Idris Elba.

American Gangster s'inspira en a vida d'o "gángster" Frank Lucas, qui fació una destacada carrera en o mundo d'o trafico de drogas en trobar una traza de suprimir a toz os intermediarios en o comercio d'a droga en conseguir transportar directament dende Tailandia a heroína dica los Estaus Unius fendo servir ta lo suyo transporte los avions que levaban as caixas de muerto a on se transportaban os cuerpos d'os soldaus de l'exercito estausunidense muertos mientres a guerra de Vietnam. A cinta prencipia cuan Frank Lucas, que dica l'inte yera lo guardaspaldas de Bumpy Johnson, lo chefe d'a mafia d'o barrio de Harlem, lo substutui en morir iste d'un infarto, y decide marchar enta lo puesto a on se produz a droga ta eliminar intermediarios y augmentar notablement asinas os suyos beneficios.