Aritmetica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Libro d'aritmetica.

A parola aritmetica (d'o griego αριθμός = numero)^[1] se refiere comunment a la branca d'as matematicas que tracta d'as propiedaz de bellas operacions con numeros. O suyo uso por parti d'os matematicos profesionals ye sinonimo de teoría de numeros.

Operacions

Existen cuatre operacions aritmeticas tradicionals, tamién ditas as cuatre operacions basicas que son:

• Adición u suma
• Subtracción u resta
• Multiplicación u producto
• División

Atras operacions mas abanzatas que s'incluyen aintro d'ista branca son:

• Potencias
• Radices
• Logaritmos.

Istas operacions son derivacions d'as cuatre operacions basicas.

Numeros

En resumen, se destinguen as siguients menas de numeros:

• Numeros naturals
  • Numeros primeros
• Numeros enteros
  • Numeros par
  • Numeros impars
  • Numeros perfectos
• Numeros racionals
• Numeros irracionals
• Numeros reals
• Numeros imachinarios
• Numeros complexos
• Cuaternions
• Numeros infinitos tamién conoixitos como Numeros transfinitos
• Numeros fundamentals: π y e

L'aritmetica d'os numeros naturals, numeros enteros, numeros racionals u fraccionarios y numeros reals s'estudeya emplegando algorismos manuals, encara cuan dimpués s'emplegan ferramientas como calculadoras, ordenadors u abacos.

Emplegata como sinonimo de teoría de numeros incluye as propiedaz d'os numeros enteros relacionatas con numeros primeros y divisibilidat asinas como a resolución d'ecuacions.

Orden d'as operacions

Existe una hierarquización en una expresión matematica que incluye cuantas operacions. Iste ye l'orden en que s'habría d'operar:

1. Potencias, radices, logaritmos y totas menas de funcions trigonometricas u similars.
2. Productos y divisions.
3. Sumas y restas.

Ista hierarquía se puet crebar con l'uso de parentesis. Tota operación encluyita adintro d'un parentesi se be de realizar d'antes de que a resta. Os parentesis se pueden incluyir aintro d'atros parentesis.

Eixemplos:

${\displaystyle 2+3^{2}-5\cdot 2=2+9-10=1}$

${\displaystyle 2+(3^{2}-5)\cdot 2=2+4\cdot 2=2+8=10}$

${\displaystyle 2\cdot (2+(3^{2}-5)\cdot 2)=2\cdot (2+4\cdot 2)=2\cdot (2+8)=2\cdot 10=20}$

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.