Auto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Benz Auto, 1886

Auto de rally.

L'auto^[1][2], automóbil (d'o griego αὐτός, a si mesmo, y d'o latín mobilis, que se mueve) u localment votura (en chistabín^[3]) ye un vehiclo de cuatro ruedas destinato a lo transporte de personas, con capacidat d'entre dos y ueito posientos. As ruedas debanteras d'os autos pueden mover-sen ta os dos costaus ta realizar chiros y prener as curvas. Se desplaza gracias a un motor d'esclatiu que funciona con una mezcla, gasolina u de gasoil y aire, en bels países dita mezcla se fabrica a partir de bellas plantas con a fabricación de biodiésel. Actualment s'han prencipiato a desembolicar y producir autos con motors que funcionan con un tipo de propulsión alternativa u combinando cualques tipos de motor de propulsión. Destacan los que funcionan con diferents tipos de gas (prencipalment os motors d'hidrocheno, gas natural u metano), os motors pa autos con motor electrico, anque l'autonomía d'istos vehiclos ye encara limitata debito a lo peso d'as baterías y os motors hibridos que combinan las propiedaz de dos tipos de motor aconseguindo millors prestacions.

A emplegada esportiva d'istos vehiclos ye dita automobilismo y as reglas d'iste esporte son establitas y modificatas por a Federación Internacional de l'Automóbil (FIA).

Historia

Inicios

Puede considerar-se que la historia de l'automobil empecipia con a experimentación y intento d'aplicar la maquina de vapor a unatra maquina pa que se desplace per si mesma. Entre estos primers intentos cal destacar lo primer vehíclo a vapor disenyau documentau y posiblement construyiu, estió un chuguet a escala de 65 centímetros de largo y que no yera capaz de transportar a un conductor u pasachero. Estió construyiu suposadament en China, arredol de l'anyo 1672 pa lo divertimiento de l'Emperador Kangxi, por Ferdinand Verbiest per lo que ye conoixiu como la maquina de Verbiest. No se sabe con certeza si lo modelo de Verbiest se construyió u executó con exito.

Cuasi 100 anyos dimpués en 1769, Nicolas-Joseph Cugnot, aconsigue que funcione una d'as versions d'o suyo Fardier à vapeur transportando un conductor, per lo que sería lo primer automovil que puede transportar una persona. Una d'as versions d'o suyo vehíclo se conserva en o Museo d'Artes y Oficios de París.

A causa d'a dificultat de transportar augua y carbón pa producir lo vapor que produciba la enerchía que moveba lo vehíclo s'estanco la investigación y desembolique de automoviles. No ye dica mas de 100 anyos dimpués que beneficiando-se d'os abances producius en os motors d'as locomotoras de vapor, que se reprene la ideya de fabricar automoviles.

Amédée Bollée fabrica en 1873 L'Obéissante, lo primer automovil pa transporte de pasachers, y aconsigue transportar doce 12 pasachers entre Le Mans y París en 18 horas, aconseguindo una velocidat meya de 30 km/h. Este vehíclo tamién ye conservau en o Museo d'Artes y Oficios de París. Él mesmo tamién fabrica La Mancelle considerau como lo primer automobil produciu en serie, fabricando-se un total de 50 unidaz, y con notables abances tecnicos introducius, bi ha una unidaz en u Museo d'as 24 Horas de Le Mans. Bollée desenvolvió atros vehíclos entre los cuals cal destacar La Rapide construyiu en 1881 y que aconseguiba una velocidat de 62 km/h. Lo suyo disenyo agrupó la caldera, lo motor y los controls debant d'o vehíclo, fendo posible estar conduciu per una sola persona.

Contemporanios a Amedée cal destacar a los chirmans Servollet que inventoron nuevos tipos de caldera pa aprofitar de traza mas eficaz lo vapor, y aplicoron los suyos inventos a los automobiles, son de destacar lo suyo primer vehíclo un triciclo fabricado por Peugeot y conoixiu como Peugeot Tipo 1, estando estando lo solo vehíclo de motor de vapor d'esta marca. Tamién fabrica coches esportius que partecipan en retos y competicions esportivas con muito d'exito.

A lo mesmo tiempo s'iban tamién desenvolvendo vehíclos de motor de combustión, lo primer automobil con motor de combustión interna s'atribuye a Karl Friedrich Benz que fabrica o modelo Benz Patent-Motorwagen en a ciudat de Mannheim. Poco dimpués, atros pioners como Gottlieb Daimler, Wilhelm Maybach y Henry Ford presentoron los suyos modelos pero no ye dica los anyos 1910-20 que superan en prestacions a los de vapor.

Referencias

1. (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.6
2. (es) José Carlos López Dieste: Vocabulario aragonés de Villanueva de Gállego (Bajo Gállego, Zaragoza), Xordica Editorial, 2010, ISBN 978-84-96457-62-1, p.23
3. Fernando Blas Gabarda, Fernando Romanos Hernando Diccionario aragonés. chistabín-castellano pp 126. Ainas. Gara d'edizions, 2008