Base de datos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una base de datos ye un conchunto de datos estructurato, organizato seguntes una estructura coderent y accesibles dende mas d'un programa u aplicación, de traza que cualsiquiera d'éls puet estar quitato d'o conchunto y actualizato, sin d'afectar ni a estructura d'o conchunto ni os atros datos.
O software especializato que chestiona istos datos se diz Sistema Chestor de Bases de Datos (en anglés, DBMS). Ta que un programa sía considerato un SChBD, ha de cumplir as propiedaz ACID (Atomicity, Consistency, Isolation, Durability).
Una base de datos puet seguir un modelo de datos. O mas común ye o modelo relacional de datos, encara que bi'n ha d'atros, como o modelo obchectual de datos. O luengache mas conoixito ta o modelo relacional de datos ye o SQL.
Existen programas ditos programas cheneradors de datos, abreviato SChBD, que permiten alzar y posteriorment acceder a os datos de traza rapeda y estructurata. As propiedaz d'istos SChBD asinas como a suya utilización y administración, s'estudeyan aintro de l'ambito d'a informatica.
As aplicacions mas emplegatas son ta a chestión d'empresas y institucions publicas. Tamién son amplament utilizatas en o entorno cientifico con obchectos t'alzar información experimental.
Eixemplos de bases de datos son o catalogo de libros d'una biblioteca, o sistema de facturación d'una empresa u o sistema d'evaluación d'una institución escolar u simplament d'un mayestro.
Ta que sían útils os datos s'han de poder consultar, bien por pantalla y a traviés d'a suya impresión, obtener informes, u a traviés d'atros sistemas informaticos. Tamién ye menester que tienga un mantenimiento que actualice os datos y corricha as errors detectatas.
Encara que as bases de datos pueden contener muitos tipos de datos, beluns d'éls se troban protechitos por as leis de diversos países. Por eixemplo en Espanya, os datos personals se troban protechitos por a Lei Organica de Protección de Datos de Carácter Personal (LOPD).
Se veiga tamién
[editar | modificar o codigo]- MySQL.
- Pilot-DB.
- PostgreSQL.
- Col·lex: base de datos ta usos didacticos d'o Departamento d'Educación d'a Cheneralidat de Catalunya.
- Sql Server: base de datos d'a empresa norteamericana Microsoft.
- Diccionario de datos.
- Intelichencia empresarial.
- Modelo de tabla.
Vinclos externos
[editar | modificar o codigo]- (ca) Utilidat d'una base de datos relacional (BASAP)
- (ca) Qué ye y cómo ye una base de datos relacional (BASAP)
