Bombeta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bombeta d'incandescencia

Una bombeta d'incandescencia u lampa d'incandescencia, dita normalment bombeta, ye un dispositivo electrico que produce luz formato por una bombolla de vidre en l'interior d'a cual bi ha un filamento metalico, por un regular de tungsteno, que produce luz por incandescencia en circular-ie corrient electrica.

En 1878 fue patentata por Thomas Alva Edison qui, dimpués d'experimentar con mas de mil materials diferents, consiguió industrializar-la con filamento de bambú carbonizato. Dende alavez, en o mundo d'os comics o simbolo d'a bombeta s'asocia a tener una ideya.

pis d'una bombeta

Una bombeta electrica ye una fuent de luz que ye formata por un cuerpo de vidre u plastico, un casquet metalico y un filamento tamién metalico:

• O vidre u plastico puet estar de diferents colors ta filtrar as colors.
• O casquet fa de contacto con o dispositivo que administra a corrent d'alimentación. O casquet consta d'un nuclio y un extremo, tamién ditos polos positivo y negativo.
• O filamento ye un filo fino, a sobén de tungsteno. En pasar-ie a corrient, a resistencia d'o material en fa escalfar. A elevata temperatura d'o filamento fa que iste emita enerchía en forma d'irradiación de calor seguntes a lai de Joule. Ista irradiación apareixe en tot o espectro electromagnetico, d'o cual os sers humans nomás en aprofeitan o espectro visible ta veyer-ie.

Bombetas de baixo consumo

Luz florescent de baixo consumo

As bombetas de baixo consumo, emplegan a tecnolochia d'as florescents ta chenerar luz con un millor rendimiento enerchetico que as bombetas d'incandescencia, pero con una apariencia de la facundasio de la bombeta es interna

. Belunas d'as bombetas de baixo consumo, incorporan a mas una rosca compatible con la d'as bombetas d'incandescencia.

A potencia luminica d'as bombetas, se gosa esprisar en watts. As bombetas de baixo consumo cheneran a mesma luz que as bombetas d'incandescencia con menos what.

A potencia consumita por as bombetas d'incandescencia domesticas gosa variar entre os 40 W (poca luz) dica 100 W (mas luz), mientres que las de baixo consumo consumen nomás entre 7 y 23 W y fan a mesma luz que las d'incandescencia.

Atros tipos de bombetas

Ta a iluminación de vias publicas, se gosan emplegar atros tipos de bombetas. Todas ellas se pueden considerar de baixo consumo;

• Bombetas de vapor de sodio de baixa presión (VSBP) (menor consumo)
• Bombetas de vapor de sodio d'alta presión (VSAP) u de mercurio (mayor consumo)

Vinclos externos

• Se veigan as imáchens de Commons sobre bombetas.