Cladophora

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cladophora
Aspecto d'una mata de Cladophora
Clasificación cientifica
Dominio:
 Eucariotas
Reino:
 Plantae
División:
 Clorophyta
Clase:
 Ulvophyceae
Orden:
 Cladophorales
Familia:
 Cladophoraceae
Chenero:
 Cladophora
Descripción
Cladophora
Kütz., 1843

Cladophora ye un chenero d'a división Clorophyta u algas verdas d'a clase Ulvophyceae, de l'orden Cladophorales y d'a familia Cladophoraceae. Presenta unas cuantas especies dificils de distinguir por un aspecto parexiu y muit variable dependendo d'as condicions ambientals y de l'habitat.[1]

Son frecuents en os ríos y rigachuelos d'a val d'Ebro y Sistema Iberico.Cladophora rivularis ye a especie citada de Torrociella d'Alcanyiz por José Pardo Sastrón,[2] dato que necesitaría confirmación d'alcuerdo con as clasificacions actuals d'o chenero.

Fitonimia

[editar | modificar o codigo]

En Riglos recibe a denominación de pan de rana, en a Val de Tena se diz berrina, estando d'entre as pocas referencias a fitonimos aplicaus a esta especie en aragonés. A forma berrina lo posa en relación con a brasicacia igualment acuatica Nasturtium officinale conoixida como berro, palabra d'orichen celta y probable responsable de toponimos como Fuent d'el Berro.

En castellano d'Aragón recibe a denominación actual de pan de rana, de fueras de en Taust, on se diz berruna, y de Torrociella d'Alcanyiz y Castelserás, on recibe a denominación de limo, que recuerda a lo benasqués llims, denominación d'unas algas d'augua dolza con textura mucosa.[3]

En a parla d'o Matarranya recibe a denominación actual de moco de rana que no se corresponde con o que cabría esperar en o catalán occidental local.

Morfolochía

[editar | modificar o codigo]
Detalle d'as ramificacions d'os filamentos con una sola fila de celulas.
Detalle d'o cloroplasto reticulau.

Son algas filamentosas ramificadas mes u menos seguntes as especies. Os filamentos que creixen gracias a multiplicacions celulars pueden fer-sen adintro d'atro filamento u en un cabo.

Cada filamento ye constituito por una sola fila de celulas cilindricas d'una mida gran (visibles con lupa[4]), luengas, con muitos nuclios y cloroplastos reticulaus. Os cloroplastos contienen a sobén pirenoides lenticulars encuadraus en cada costau por un gran d'amelón concavo.

Bi ha especies que s'agarran a lo fondón por rizoides ramificaus u por estructuras especializadas discoidals.

Lista d'especies

[editar | modificar o codigo]

Seguntes ITIS :

Seguntes WRMS :

Referencias

[editar | modificar o codigo]
  1. ↑ Gestinari, L., et al. (2010). Distribution of Cladophora species (Cladophorales, Chlorophyta) along the Brazilian Coast. Phytotaxa 14 22.
  2. ↑ José Pardo Sastrón Catalogo o enumeración de las plantas de Torrecilla de Alcañiz asi espontáneas como cultivadas. Tip.de E.casañal y compañía. 1895. Reedición de 1995 de lo Instituto de Estudios Turolenses
  3. ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 302-303
  4. ↑ Cabioc'h J., Floc'h J.Y., Le Toquin A., Boudouresque C.F., Meinesz A., Verlaque M. (1992) Guide des algues des mers d'Europe p 46-47, Delachaux et Niestlé, Neuchâtel et Paris, ISBN 260300848X