Cleopatra VII

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre Cleopatra VII a zaguera reina d'Echipto d'a dinastía d'os Ptolomeus; ta atros usos, se veiga Cleopatra (desambigación).
Cleopatra VII
Faraón d'a Dinastía ptolemaica

Cleopatra VII
51 aC - 30 aC
Predecesor Ptolomeu XII
Succesor Republica Romana
Naixencia Chinero 69 aC
Aleixandría
Muerte 12 d'agosto de 30 aC
Aleixandría
Consort Ptolomeo XIII, Ptolomeo XIV, Chulio César y Marco Antonio
Descendencia Cesarión, Alejandro Helios, Cleopatra Selene II y Ptolomeo Filadelfo
Dinastía Dinastía ptolemaica
Pai Ptolomeu XII
Mai Cleopatra VI

Cleopatra VII estió reina d'Echipto dende l'anyo 51 aC dica l'anyo 30 aC. Estió a zaguera reina d'a dinastía d'os Ptolomeus y d'o periodo helenistico, dimpués d'a suya muerte Echipto se convertió en en provincia de l'Imperio romano, lo que marcó lo final d'o periodo helenistico que s'heba encetau con o reinau d'Aleixandre lo Gran (336-323 a. de C.).

A suya luenga materna yera a koiné griega, encara que estió a primera soberana ptolemaica en aprender l'idioma echipcio.

Mencions en fuents aragonesas y navarras

[editar | modificar o codigo]

En fan mención en o "Liber Regum":

L otro Tholomeo regno X annos. Estonz fo Siria en poder de los romanos e uino Pompei en Iherusalem e leuo los iudios por patria a Roma. Et estonz fo Chatón el sage. Et adonc naxieron Virgili & Oraci. E regnaua Leopatras en Egipto. Et estonz fo Iulius Cesar emperador de Roma de so cabal, que dantes los cónsules eran señores.

Ye nombrada tamién en as traduccions aragonesas de "Breviarium ab Urbe condita" y de "Vidas Semblants":

et fue conoscido por la loriga de oro. (et) [que] portaua et cesar conquerido lexandria diolo a cleopatra / sor de tholomeu ab la qual cesar auia acostumbrado de yaz[er] carnalment et la qual despues acompanyament Real entro en la Ciudat
Et Cleopatra fizo Crotas / & moujment(o)s / & fizo fermoso hedifiçio en(e)l templo d(e)la dea uenus / & plego todas las cosas real(e)s / & de gra(n)t p(re)çio q(ue)l hauja / es a saber oro argent p(er)las esmaragdos obras de uori / & de ebano / & de çinamonio / Et ensemble co(n) estas cosas puso mucha teda / & stopa
[editar | modificar o codigo]

Cleopatra ha estau un personache que no ha deixau indiferent a las diferents culturas que pasoron per Echipto. Os romanos contemporaneos teneban una imachen negativa d'ella que yera a que a propaganda de l'Imperio Romano difundiba, encara que Virchilio instituyió a ideya de Cleopatra como una figura d'o romance y d'o melodrama epico. En a suya epoca estió representada en monedas, pinturas, vasillas, bustos y estactuas de l'arte grecorromano.

Posteriorment en a Edat meya y a Edat moderna se convirtió en un icono d'a cultura popular inspirando obras literarias, teatrals y sobre tot cintas de cine, que contribuyioron de forma significativa a modelar a imachen que tenemos en l'actualidat d'ella.

En a literatura

[editar | modificar o codigo]

En literatura hay que destacar las obras mas famosas como son Antony and Cleopatra escrita en 1606 por William Shakespeare, All for love escrita en 1678 por l'autor teatral anglés John Dryden y Caesar and Cleopatra publicada en 1901 y escrita por George Bernard Shaw.

En o cine

[editar | modificar o codigo]

Cuasi dende a invención d'o cine se facioron cintas sobre ella, ya que yera una tematica muito de moda en ixa espoca tanto que mesmo inspiraba productos d'o fogar. A primera cinta documentada ye Cléopâtre, de Georges Méliès de l'anyo 1899 una cinta de cine mudo de terror, dimpués tamién cal destacar Cleopatra de 1917, de J. Gordon Edwards, con Theda Bara, Fritz Leiber, Sr., Thurston Hall y Alan Roscoe y a cinta Cleopatra de Cecil B. DeMille y interpretada por Claudette Colbert pero sobre tot cal destacar a polemica superproducción de l'anyo 1963 Cleopatra interpretada por Elizabeth Taylor y Richard Burton que cuasi leva a la fallita a La Fox.

Vinclos externos

[editar | modificar o codigo]


Predecesor:
Ptolomeu XII 		Faraón d'Echipto
51-30 aC 		Succesor:
garra (Republica Romana)