Colechiata

Colechiata d'Alquezra.

A colechiata u ilesia colechial ye o templo catolico que, sin estar seu, poseye un capítol. A dignidat rectora recibe o nombre de deán, encara que ocasionalment tamién siga clamau abat u prior.

A elección d'una colechiata obedeixe a diferents razons, como pueden estar a existencia anterior d'una seu en a mesma ciudat, querer dar importancia a una población sin meter siede episcopal, pa mayor esplendor d'o culto, etc. A colechiata puet estar secular u regular.

Tamién se denomina asinas a o templo a on i hai (u i habió en o suyo tiempo) una comunidat de canonches regulars de Sant Agostín presidida por un abat. As comunidaz de canónigos regulars de Sant Agostín son en l'orichen de diversas órdens relichiosas como os dominicos u los premonstratenses.

En l'actualidat se denomina colechiata a una ilesia prencipal de tipo colechial, con abat y canonchía, que no ye siede bispal —seu—, y a on os oficios divinos se celebran con liturchia parellana a la d'as seus.

Enlaces externos

Commons

Se veigan as imáchens de Commons sobre as colechiatas.

• Colechiata d'Alquezra en Epdlp