Cumulonimbo

Cumulonimbus capillatus incus con forma d'inclusa

Os cumulonimbos^[1] (en latín cumulonimbus) son nubles con gran desembolique vertical que por dentro son formatas por una columna d'aire calido y humido que puya como un revolvín con sentito antihorario en o hemisferio norte y horaria en o hemisferio sud. A suya base gosa trobar-se a menos de 2 km d'altura, pero o suyo cabalto puet plegar a uns 12 u 20 km d'altaria. Estas nubles gosan producir plevias intensas y tronatas electricas, especialment cuan son desembolicatas de tot. A suya abreviadura ye Cb.

O cumulonimbos (Cb) ye un tipo de nuble de desembolique alto, dendo, con tronata y mal orache. Se pueden formar aislatament, en grupos, u en a linia d'inestabilidat d'un frent fredo. Os cumulonimbus se forman a partir de nubles tipo cumulo.

En aragonés y en part d'o catalán occidental os cumulonimbos deben corresponder a los torrellons por o menos parcialment. Por eixemplo en catalán la trobamos en o lexico de Catín con a definición de núvols grossos de desenvolupament vertical que porten tronades, llamps i trons i forta pluja. En o lexico de Figueruelas dan a definición de "cumulonimbus", núvols que porten pluja. En puestos on se parla castellano pero que se charró aragonés en o pasato podemos trobar torrellón y variants en Cinco Villas y torrojones en Fuent Ferrada.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.