De facto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

De facto^[1] ye una exprisión latina que quiere decir de feito u practicament, y fa referencia a situacions que no son incluyidas en una lei pero que se dan de feito, fendo omisión de cualsiquier contracto, lei, u situación legal. Ista exprisión se contraposa a de iure, ye decir, de dreito.

Se puet parlar d'as parellas de feito, u d'a cohabitación, de facto, que fa referencia a las parellas no reguladas por a lei, u por un contracto matrimonial. Cuan se parla de normas u stándards de facto se fa referencia a documentos u ferramientas que son seguidas por a industria como si hesen estau aprebadas por organismos oficials, pero que en realidat no l'han estau.

Un gubierno de facto ye aquel que ha preso o poder dimpués d'un golpe d'estau, u por ocupar un vueito de poder.

Tamién se parla de población de facto cuan se fa referencia a os habitants, incluyius os transeunts, que no son inscritos en o censo d'un lugar, ciudat, provincia, etcetera. D'atra man a población de iure ye formada por as personas inscritas en o censo, u d'a nacionalidat d'a que se parla.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.