Domingo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O domingo[1] u dominche[1][nota 1] ye, tradicionalment, o seteno día d'a semana. A ran internacional, o estándard ISO 8601 de l'anyo 2004, establió que a semana prencipia en lunes y remata en domingo, considerándo-lo, asinas, o zaguer día d'a semana. Pa lo perteneixient u relativo a lo domingo, u l'executau mientres lo suyo transcurso, s'acostumbra usar los adchectivos: dominical u dominguero.[1]
O domingo ye o primer día d'a semana liturchica en a tradición cristiana, igual que lo ye en atras tradicions culturals. O domingo ye considerato un día festivo en a mayoría d'os países d'o mundo y fa parti d'o cabo de semana. Nomás países influitos por a cultura islamica u chodiga tienen o viernes u o sabado como o día festivo semanal.
O calandario gregoriano se repite cada 400 anyos y dengún sieglo prencipia en domingo. O cabo d'anyo chodigo nunca no caye en domingo. Cualsiquier mes que prencipie en domingo tendrá un viernes 13.
Etimolochía
[editar | modificar o codigo]Domingo deriva d'o latín dies dominĭcus (día d'o Sinyor), a causa d'a celebración cristiana d'a resurrección de Chesús ixe día. En l'antiga Roma, se deciba a este día dies solis (día d'o sol), que se mantien en atros idiomas como en anglés Sunday u l'alemán Sonntag.
Notas
[editar | modificar o codigo]- ↑ Con as variants dimenche, demenche y dumenche
Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Vinclos externos
[editar | modificar o codigo]
| Control d'autoridaz |
|
|---|
