Estructura cristalina

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cuarz incoloro

Una estructura cristalina ye una forma solida, en a que os constituyents, atomos, moleculas, u ions son empaquetatos de traza ordenata y con patrons de repetición que s'estendillan en as tres dimensions espacials. A cristalografía ye o estudio cientifico d'os cristals y d'a suya formación.

O estato cristalín d'a materia ye o de mayor orden, ye decir, a on as correlacions internas son mayors y a mayor rango de distancias. Y ixo se reflecta en as suyas propiedaz antropicas y discontinuas. Gosan apareixer como endidaz puras, homochenias y con formas cheometricas definitas cuan son bien formatos. Manimenos, a suya morfolochía externa no ye prou pa evaluar a dita cristalinidat d'un material.

A estructura

Estructura d'o diamant

Si los miramos fito-fito, en istos dibuixos bi ha siempre una fracción d'os mesmos que se repite. Alavez, en os cristals, os atomos, os ions u as moleculas s'empaquetan y creyan motivos que se repiten cada ångström (1 ångström = 10⁻⁸ cm), bi ha ista repetitividat en as tres dimensions, y la denominamos ret cristalín. O conchunto que se repite, por translación ordenata, chenera tot o ret (tot o cristal) y lo denominamos ret elemental u unidat. Por cheneralizar, o suyo contenito (atomos, moleculas y/u ions), ye decir o motivo que se repite, puet describir-se por un punto (o punto reticular) que representa toz y cadagún d'os constituyents d'o motivo. Por eixemplo, cada soldato sería un punto reticular. En a materia condensata, un monocristal ye un dominio, por un regular poliedrico, d'un meyo cristalín.

Diferencia entre vidres y cristals

Bi ha ocasions a on a repetitividat se creba, u no ye exacta, ixo chustament ye o que caracteriza a diferencia entre os vidres y/u cristals, de manera cientifica os vidres se dicen por un regular materials amorfos (desordenatos u poco ordenatos).

Manimenos a materia no ye de tot ordenata u desordenata (cristalina u no cristalina) y mos podemos trobar con una degradación continua de l'orden (graus de cristalinidat) en os materials, que van dende os perfectament ordenatos (cristalins) dica os desordenatos de tot (amorfos)

A estructura cristalina ordenata

En a estructura cristalina (ordenata) d'os materials inorganicos, os motivos repetitivos son atomos u ions enlazatos entre sí, de traza que por un regular no se distinguen unidaz isolatas y d'istos enlaces en proviene a estabilidat y a dureza (cristals ionicos, mas que mas). A on se distinguen clarament unidaz isolatas, ye en os ditos materials organicos, a on apareixe o concepto d'entidat molecular (molecula), formata por atomos enlazatos entre sí, pero a on a unión entre as moleculas, adintro d'o cristal, ye muito mas débil (cristals moleculars). Son, por un regular, materials mas blandos y inestables que os inorganicos.