Ewrico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ewrico
Rei d'o Reino Visigodo de Tolosa

Estatua de Olivieri y Felipe de Castro representando a Ewrico
466 - 484
Predecesor Teodorico II
Succesor Alarico II
Muerte anyo 484
Dinastía Baltingos

Ewrico (Aiwareiks en gotico) estió rei d'os visigodos dende l'anyo 466 (dimpués d'amortar a su chirmán Teodorico II) dica l'anyo 484. O reinau d'Ewrico coincidió con a disolución de l'Imperio Romano d'Occident.

Yera fillo de Teodorico I. Se casó con Ragnachilda, filla de Meroveu, rei d'os francos.

En l'anyo 469 u 470 refusó un ataque d'o rei brito-romano Riuthamus en la Batalla de Déols que permitió asegurar uns territorios en Galia tan a lo norte como a Loira.

Ewrico se declaró independient d'os "emperadors-titere" y amés en 475 forzó a Chulio Nepot a reconoixer a suya total independencia a cambio de retornar-li a rechión d'a Provenza. Cuan en 476 fue destronato o zaguer emperador Romulo Augustulo s'independizó legalment de Roma. Os visigodos heban firmato un foedus con Roma en l'anyo 418, por o que s'heban convertito en federatos de l'Imperio y l'Imperio lis permitiba d'establir-sen en o sud d'as Galias. Ewrico no reconoixió l'autoridat d'o herulo Odoacro, qui destronó a lo zaguer emperador, feito que li permimitiba d'independizar-se pa cutio. D'esta traza amaneixió un reino visigodo oficialment independient conoixito por os historiadors como Reino Visigodo de Tolosa.

Ewrico encomenzó una expansión territorial por Galia y Hispania. En Galia guerreyó contra os francos y saxons, y o suyo reino yera o mes poderoso y influyent d'Europa Occidental. A suya cort residiba en Tolosa, encara que nominalment en Arlet. O territorio controlato por os visigodos en ixas envueltas d'Ewrico yera cuasi tota Hispania, con a excepción notable d'a Gallaecia (on yeran os sueus) y gran parte de Galia a l'ueste d'o río Rin y a lo sud d'o río Loira.

Con grant talento politico, publicó o Codex Euricianus, cuerpo legal de dreito visigodo. Teneba como colaboradors a romanos como Victor y Vicent, y o suyo primer ministro yera León, romano tamién.

Mencions en fuents aragonesas

[editar | modificar o codigo]

Ye mencionato en a "Cronica de Sant Chuan d'a Penya":

Et depues de aquesti Valient; et en tiempo de aquesti los godos tenyan lur senorya mayor en Tolosa. Et aquesti rey prendió las tierras de Bética et de Galicia, las quales tenían los vándalos et los alanos; et depues de aquesti Goodorenus; et depues su filio Turison; et depues su hermano Trodoricho. Et depues de aquesti regnó su hermano Euricho. Et aquesti prese en España la prouincia de Tarragona, et depues de aquesti regnó su fillo Alarico; et depues de aquesti regnó su nieto Teodio; et depues de aquesti Teodiselo; et depues de la muert de aquesti, regnó Agila, et depues Athanagildo; et depues de aquesti Luynba; et depues su hermano Leouegildo; et aquesti exampló et crexió su reyno en Spanya; et aqueste fué el primero rey que se posó a taula todo solo, et se vistió de vestiduras reales, porque enantes todos los reyes se posauan en lur taula con caualleros et hauían ansi vestidos como caualleros.

En a "Cronica Cheneral d'Espayna" de García d'Eugui lo nombran como Eurigo:

(con)ta la ystoria q(ue) este rey Eurigo como se apodero del Regno no se tobo por (con)tento delo q(ue) abia mas gujso luego sus. huestes como de Rebato & Robo & destruyo toda la tierra de luçena & jnbio vna p(ar)tida desus huestes a Caragoça & a Pomplona & diero(n) se luego & tornaro(n) se desu Señorjo & gano toda espayna la desuso & fiziero(n) le aq(ue)llo mesmo et la muy noble p(ro)uj(n)çia de Cartagenja por q(ue) se no(n) qujso dar crebaro(n) la toda consus huestes.

Vinclos externos

[editar | modificar o codigo]


Predecesor:
Teodorico II 		Rei d'o Reino Visigodo de Tolosa
466-484 		Succesor:
Alarico II