Galaxia d'Andromeda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Galaxia d'Andromeda

Galaxia d'Andromeda
Nomenclatura
Atros nombres: Messier 31, M31, u NGC 224
Datos d'observación (epoca J2000)
Tipo: Galaxia religada barrata
Numero d'estrelas: 1012
Caracteristicas fisicas
Diametro: 220.000 anyos luz
Masa: 0.7 - 2.5×1012 M

A galaxia d'Andromeda, tamién conoixida como Messier 31, M31 u NGC 224 y orichinalment como que Nebulosa d'Andromeda, ye una galaxia religada barrata aproximadament a 2,5 millons d'anyos luz (u 770 kiloparsecs) d'a Tierra y a galaxia prencipal mas cercana a la Vía Lactia. O suyo nombre promana de l'aria d'o ciel d'a Tierra en a cual amaneixe, a constelación d'Andromeda, que a la suya vegada leva o nombre d'a princesa etiope que estió a esposa de Perseu en a mitolochía griega.

A masa d'a galaxia d'Andromeda ye d'o mesmo orden de magnitut que a d'a Vía Lactia, a 1 billón de masas solars. A masa de cualsiquiera d'as galaxias ye dificil d'estimar con precisión, pero entre muito tiempo se pensó que a galaxia d'Andromeda ye mas masiva que a Vía Lactia por una marguin d'entre o 25% y o 50%. Isto ha estau cuestionau por un estudio de 2018 que citó una estimación mas baixa d'a masa d'a galaxia d'Andromeda[1], combinada con informes preliminars sobre un estudio de 2019 que estima una masa mas alta d'a Vía Lactia.[2] A galaxia d'Andromeda tien un diametro d'aproximadament 220.000 anyos luz (u 67 kiloparsecs), o que la converte en o miembro mas gran d'o Grupo Local en termins d'extensión, si no de masa.

O numero d'estrelas contenidas en a galaxia d'Andromeda s'estima en un billón (1 × 1012), u aproximadament o dople d'o numero estimau pa la Vía Lactia.[3]

S'aspera que as galaxias d'a Vía Lactia y Andromeda topeten en arredol de 4.500 millons d'anyadas, fusionando-se pa formar una atra galaxia eliptica chigant.[4] Con una magnitut aparent de 3,4, a galaxia d'Andromeda se troba entre os obchectos Messier mas brillants, fendo-la visible a simpla vista dende a Tierra en nueiz sin luna, mesmo cuan se veye dende arias con contaminación luminica amoderata.[5]

Referencias

[editar | modificar o codigo]
  1. ↑ (en) Kafle, Prajwal R.; Sharma, Sanjib; Lewis, Geraint F.; et al. (1 February 2018). "The Need for Speed: Escape velocity and dynamical mass measurements of the Andromeda Galaxy". Monthly Notices of the Royal Astronomical Society. 475 (3): 4043–4054.
  2. ↑ (en) Mahon, Chris (20 May 2018). "New Research Says the Milky Way Is Far Bigger Than We Thought Possible." OuterPlaces.com
  3. ↑ (en) Peñarrubia, Jorge; Ma, Yin-Zhe; Walker, Matthew G.; McConnachie, Alan W. (29 July 2014). "A dynamical model of the local cosmic expansion". Monthly Notices of the Royal Astronomical Society. 433 (3): 2204–2222
  4. ↑ (en) "We Finally Know When Our Milky Way Will Crash Into the Andromeda Galaxy" en Space.com
  5. ↑ (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.29