Ganglio limfatico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Diagrama representando os ganglios limfaticos como part d'o sistema limfatico. Texto en francés.

Un ganglio limfatico u nodo limfatico ye un tipo d'organo d'o sistema limfatico y d'o sistema immunitario distribuito por tot o cuerpo siempre ligau a vasos limfaticos. Os ganglios limfaticos son cuartels de limfocitos B, limfocitos T y d'atras celulas immunitarias. Os ganglios limfaticos actuan como filtros u trampas pa particlas foranias y son importants pa o correcto funcionamiento d'o sistema immunitario. Bi ha una alta densidat de limfocitos y macrofagos.

Os ganglios limfaticos tienen tamién una importancia clinica. S'inflaman u s'unflan en diferents condicions, que pueden variar dende poco preoucupants como en una farinchitis dica amenazar a la propia vida como en bel cáncer. En este zaguer caso o estau d'o ganglio limfatico ye tan significativo que se fa servir pa o estadificamiento d'o cáncer, determinant d'o tractamiento a seguir, y pa determinar a prognosi. Cuan son unflaus, inflamaus u ixamplaus, os ganglios limfaticos pueden estar duros, firmes u tovos.^[1]

Os ganglios limfaticos pueden estar diagnosticaus por biopsia si son inflamaus. Ciertas infeccions afectan a los ganglios limfaticos con una caracteristica consistencia y localización.

En aragonés cualques ganglios pueden recibir la denominación d'andaderas, sobre tot cuan son unflaus.^[2]

Referencias

1. https://web.archive.org/web/20140116104341/http://children.webmd.com/tc/swollen-glands-and-other-lumps-under-the-skin-topic-overview
2. (es) Fernando Romanos Hernando: Al límite. La pervivencia del aragonés en las comarcas del norte de Zaragoza. Diputación de Zaragoza, 2003.

Bibliografía

• (es) C.P.J.Hickman: Principios Integrales De Zoologia - 10ª Ed. McGraw-Hill. 1998.
• (es) Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología Bruño, 2008.

Veyer tamién

• Amigdala (sistema limfatico).
• Sistema limfatico.
• Vaso limfatico.
• Sistema immunitario.