Guayaquil

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Santiago de Guayaquil
Localidat d'Ecuador
Estau  • Provincia	Ecuador Guayas
Superficie	1.214,4 km²
Población  • Total	2723665 hab. (2020)
Altaria  • Meyana	4 m.
Codigo postal	090101 - 090158
Coordenadas	2°11’24’’S79°53’15’’U
Santiago de Guayaquil Santiago de Guayaquil en Ecuador
Web oficial

Molimento en Guayaquil

Santiago de Guayaquil, conoixida a sobent simplament como Guayaquil, ye una ciudat d'Ecuador situada en a provincia d'o Guayas, en a costa de l'Oceano Pacifico, en a desembocadura d'o río Guayas. Ye a capital d'a provincia, y tien una población de 2 650 288 habitants en a suya aria metropolitana. Ye o prencipal centro comercial d'o país.

Cheografía

Guayaquil se troba situata en a marguin dreita (occidental) d'o río Guayas, a 2 metros d'altaria sobre o nivel d'a mar en as zonas mas baixas. Se troba conectata con l'Oceano Pacifico por o dito Estero Salado, un important brazo de mar que dentra en a desembocadura d'o Guayas. Iste trescruza o guasmo, a parti occidental d'o centro d'a ciutat, Urdesa y Mapasingue.

A ciudat ye mayoritariament plana, con elevacions como o Tozal de Santa Ana (a on que se troba o popular barrio de Las Peñas), o Tozal del Carmen (a on que se troban as oficinas d'o canal telebisivo Ecuavisa) y o Tozal de San Eduardo, entre d'atros.

Historia

Guayaquil s'establió lo 25 de chulio de 1535 con o nombre de Santiago de Guayaquil, probablement sobre bel asentamiento indichena anterior. Mientres a epoca colonial, integrata en a Reyal Audiencia de Quito, a ciudat se desembolicó como un important puerto d'a costa americana d'o Pacifico. Manimenos a población no creixeba considerablement, debito sobretot a os ataques d'os piratas y os incendios que i escayecioron.

O 9 d'octubre de 1820 a ciudat proclamó a independencia, dimpués d'o fallito intento de Quito (o 10 d'agosto de 1809), baixo lo mandato de José Joaquín de Olmedo. A ciudat estió punto de salita d'a campanya que levó a Antonio José de Sucre a Quito t'aconseguir a independencia finitiva d'os territorios d'a Reyal Audiencia de Quito. Dimpués, o 26 de chulio de 1822, José de San Martín y Simón Bolívar se troboron en a ciudat ta planificar as zagueras campanyas d'a independencia de l'America d'o Sud espanyola.

O 1896, se produce o mayor incendio d'a historia de Guayaquil, conoixito como Gran Incendio. Alto u baixo, se cremo a metat d'a ciudat de Guayaquil d'a epoca. Actualment a ciutat ye fendo importants plans de reforma, como lo prochecto Malecón 2000 y a recuperación d'o historico Tozal de Santa Ana, encara que se critica que s'haigan albandonato los barrios mas pobres d'a ciudat, como lo Guasmo.

L'actual alcalde ye Cynthia Viteri, d'o Partido Socialcristiano.

Vinclos externos

• (es) Guayaquil (Ecuador)