I due superpiedi quasi piatti
I due superpiedi quasi piatti (títol orichinal en italiano, en aragonés Os dos superpiez cuasi planos, enguerada en Aragón con o títol de Dos superpolicías) ye una cinta de cine de comedia d'acción policiaca de l'anyo 1977 coproducida por o cine italiano y lo cine estausunidense, dirichida por Enzo Barboni seguntes un guión orichinal d'él mesmo, con una banda sonora orichinal de Guido De Angelis y Maurizio De Angelis, una dirección de fotografía de Claudio Cirillo y una producción cinematografica de Vittorio Galiano ta las productoras T.O.T.A. y Tritone Cinematografica. De l'elenco d'a cinta fan parte, entre d'atros actors, Bud Spencer, Terence Hill, David Huddleston, Luciano Catenacci, Riccardo Pizzuti, Jill Flanter, April Clough, Laura Gemser, Ezio Marano, Luciano Rossi, Luigi Casellato, Edy Biagetti, Giancarlo Bastianoni, Claudio Ruffini y Roberto Messina.
Matt y Wilbur viven en Miami, en Florida, y se troban aturaus sin treballo. Se conoixen por casualidat y un d'éls li proposa a l'atro de fer un robo y planifican cudiadosament o robo pero cuan plega lo día s'esbarran d'adreza y dentran a robar en una comisaría de policía. A mala raca y ta no provocar sospeitas, acceptan alistar-se en a Policía, pensando que bien luego conseguirán que los senequen, una vegada haigan cobrau a suya nomina. Tanimientres, mintres o curso de formación o capitán McBride simpatiza con Matt y no consiguen ser expulsaus. Encara que denguno no lo pensaba, finalment se converten en dos buenos policías que prencipian a investigar un caso d'un asasinato que remata complicando-se con a derivación d'o caso enta lo narcotrafico al cudiau d'una periglosa banda de narcotraficants.
A cinta s'ambienta en a ciudat de Miami aparentment en a suya epoca actual (1977) encara que en a cinta las referencias son constants a l'anyo 1978, y las suyas escenas se filmoron en ixa mesma ciudat.[2]
Ye una cinta que ha recibiu bel premio y nominación, pero as ditas nominacions y premios no fan parte de garra premio cinematografico destacau.
Elenco[3]
[editar | modificar o codigo]| Actor | Papel | Notas |
|---|---|---|
| ' |
