Ilex aquifolium

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cardonera

Cardonera
Clasificación scientifica
Dominio: Eukaryota
Reino: Plantae
Subreino: Tracheobionta
División: Magnoliophyta
Clase: Magnoliopsida
Subclase: Rosidae
Orden: Aquifoliales
Familia: Aquifoliaceae
Chenero: Ilex
Especie: I. aquifolium
Nomenclatura binominal
Ilex aquifolium
L.

A cardonera[1] ye un árbol chicot de 6 u 7 metros d'altaria con tronco dreito, porte piramidal, que tiene brancas dende a base y que puet plegar a vivir 500 anyos, encara que no gosa plegar ta os 100. Tamién recibe o nombre de alebro.

Descripción

[editar | modificar o codigo]

Tien a crosta lisa. En primerías ye d'una color verdenca, y dimpués d'o segundo u tercer anyo ba prenendo o suyo tono griso definitivo. As suyas fuellas son persistents, simplas, pecioladas, alternas, de forma ovalada, y como cualidat mas caracteristica, con un canto muit espinoso en os eixemplars chóvens, y en os camals mas baixos d'os adultos, no tenendo punchas as fuellas d'os camals mas altos. As fuellas duran bellas cinco anyadas y son de color verde muit bilant en l'anverso y verde amarillenca mate por o reverso, lampinyas de tot y muit tiercas y coriacias.

Ye planta dioica y en os eixemplars masculins, as flors amaneixen en grupos axilars de color amarillenca. En os femenins, son isoladas u en grupos de tres y son chicotas y de color blanca u levement rosada, y tienen cuatro petalos y cuatro sepalos parcialment fusionaus en a base.

Camal con fruitos

As cardoneras femeninas fan un fruito carnoso (drupa), d'una color roya brilant u amariella viva, que madura muit tarde, enta par d'octubre u noviembre, y que remaneix muito tiempo en l'árbol, a ormino entre tot l'hibierno. Contiene en dentro 4 u 5 uesez (simient), que no cherminan dica o segundo anyo, en caso de que los minche bel muixón. Brota bien de cepa y tasament de radiz.

Referencias

[editar | modificar o codigo]
  1. ↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 8

Vinclos externos

[editar | modificar o codigo]