Incident at Phantom Hill
Incident at Phantom Hill (títol orichinal en anglés, en aragonés Incident en Phantom Hill, enguerada en Aragón con o títol en anglés d'El asalto de Phantom Hill, en aragonés L'asalto de Phantom Hill) ye una cinta de cine estausunidense de cine de western de l'anyo 1966 dirichida por Earl Bellamy seguntes un guión adaptau por Frank S. Nugent y Ken Pettus (basau en una historia de Harry Tatelman), con una banda sonora orichinal de Hans J. Salter, una dirección de fotografía de William Margulies y una producción cinematografica de Harry Tatelman ta la productora cinematografica Universal Pictures. Conta con un elenco d'actors formau por Robert Fuller, Jocelyn Lane, Dan Duryea, Tom Simcox, Linden Chiles, Claude Akins, Noah Beery Jr., Paul Fix, Denver Pyle, William Phipps, Don Collier y Mickey Finn.
En 1865, en os zaguers momentos d'a Guerra Civil d'o Estaus Unius, un grupo de soldaus d'os Estaus Coneferaus d'America roba un cargamento d'oro propiedat d'os Estaus Unius y l'amaga en bel puesto amán de Fort Phantom Hill, encara que d'o grupo nomás queda que un supervivient. Cuan bien luego se conoix la rendición d'os confederaus y lo supervivient ye capturau, consigue fer un pacto: él portará a los soldaus en o puesto a on ye amagau l'oro y como compensación, será aministiau. Tanimientres, l'oro se troba amagau en un territorio que s'ha cediu como reserva a los indios cheyennes y l'alcuerdo con os indios diz que no ye admisible la presencia de militars estausunidenses en l'interior d'o territorio, asinas que se decide ninviar con o sudista a un capitán y cuatre soldaus vestius de civils en misión extraoficial. Cuan son al cayedero de marchar se veyen obligaus por u "sheriff" d'o lugar a levar con éls a una mesacha, Memphis, a qui lo "sheriff" obliga a marchar d'o lugar en considerar que la suya presencia no ye pas adecuada a la imachen d'a ciudat. Cuan son al cayedero de dentrar en o territorio d'os comanches, en dentrar en un local ta mercar-ie augua, i troban a un grupo bien perigloso, que en considerar que nomás amenistaban augua que si la suya finalidat teraa dentrar en territorio comanche, y en considerer tamién que nomás bella cosa bien valuosa podeba fer que asumisen o risque de veyer-se en mans d'os comanche, decide marchar dezaga déls. D'atra man, a convivencia prencipia a fer que Memphis y lo capitán sientan atracción mutua.
Incident at Phantom Hill s'ambienta en l'anyo 1865 en Texas, en os Estaus Unius, y las suyas escenas se filmoron en bellas localizacions en o estau de California, incluyindo-ie os Universal Studios en Universal City.[2]
Elenco[3]
[editar | modificar o codigo]| Actor | Papel | Notas |
|---|---|---|
| ' |
