Insuficiencia cardiaca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Simptomas d'a insuficiencia cardiaca (en anglés).

A insuficiencia cardiaca ye un sindrome fisiopatolochico, que resulta de cualsequier trestuque, bien sía estructural u funcional d'o corazón, que cause la incapacidat d'iste de fer plen u pompiar sangre en os volumens adecuaus pa satisfer as demandas d'o metabolismo tisular u, si l'aconsigue, lo fa a estachas d'una elevación cronica d'a presión d'empliu ventricular. No ha de trafucar-se con a perda de traquius, lo cual se denomina asistolia, ni con un ature cardiaco, que ye cuan a función normal d'o corazón cesa con o subsecuent colapso hemodinamico que conlleva a la muerte. A resultas de que no toz os pacients cursan con sobrecarga de volumen en l'inte de l'avaluación inicial u revaluacions subsiguients, se prefiere lo termin insuficiencia cardiaca per sobre lo mas anticuau termin insuficiencia cardiaca conchestiva.

Con frecuencia, a insuficiencia cardiaca conchestiva se pasa per alto a causa d'a manca d'una definición universalment aprebada y a las dificultaz diagnosticas, en especial si la malotía se considera «lieu». Encara con as millors terapias, a insuficiencia cardiaca ye asociada a una taxa anyal de mortalidat d'un 10 %. Ye la prencipal causa d'hespitalización en personas mayors de 65 anyadas d'edat.^[1]

Referencias

1. (en) Krumholz HM, Chen YT, Wang Y, Vaccarino V, Radford MJ, Horwitz RI (2000). «Predictors of readmission among elderly survivors of admission with heart failure». Am. Heart J. 139 (1 Pt 1): 72-7. PMID 10618565.