Kurdistán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kurdistán كوردستان Kūrdstān
País d'Asia
Bandera Escudo
Entidat  • Estato	País Turquía Irak Irán Siria
Capital	Amed (Diyarbakir) Hawler (Arbela)
Idioma oficial  • Luenga propia	Kurdo, arabe y turco Kurdo
Superficie  • Total	190.000–390.000 km²
Población  • Total	25 a 30 millons hab.
Chentilicio	Kurdo/a[1]
Mapa d'o Kurdistán

O Kurdistán ye un territorio d'Orient Meyo habitato por os kurdos y que os nacionalistas kurdos reivindican pa que se converta en un país independient chestionato por o pueblo kurdo.

En parte d'o Kurdistán os kurdos han ido ocupando dende a Edat Meya territorios que habitaban as poblacions sirianas, neoasirianas y armenias cuan os invasors turcomans y mongols d'Asia Central devastaban o país y no permitiban o mantenimiento d'un modo de vida agricola sedentario. Os emperadors otomans y persas tamién favoreixioron a los kurdos, asentando-los en a muga común d'os imperios como etnia-tampón. A mayoría d'os zaguers nuclios de cristianos autoctonos (sirians de Tur Abdin, neoasirianos de Hakkari y armenios de Van) desapareixioron virtualment con as mortaleras d'a Primera Guerra Mundial (segunda fase d'o chenocidio armenio).

A parte d'ixos restos de minorias autoctonas en o Kurdistán os kurdos conviben con arabes, turcos, turcomans y azerins. D'esta traza a delimitación d'o territorio reclamato por os kurdos choca con as aspiracions territorials u reivindicacions d'as etnias vicinas.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.