Lanza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
.jpg)
Una lanza ye ye un arma d'asta que consta d'un eixe, per un regular de fusta, con una cabeza punchiguda. A cabeza puede estar simplament o cabo esmolau d'a propia asta, como ye lo caso d'as lanzas enduridas a lo fuego, u puede estar feita d'un material mas duradero sucheto a l'asta, como ueso, pedrenya, obsidiana, fierro, acero u bronce. Lo disenyo mas común pa las lanzas de cazata u combate dende l'antiguidat ha incorporau una punta de lanza de metal en forma de trianglo, rombo u fuella. As puntas d'as lanzas de pesca gosan presentar pugas u cantos dentegaus.
A lanza s'ha emplegau a lo largo d'a historia humana como ferramienta de caza y pesca y como arma. De conchunta con o garrote, o cutiello y l'estral, ye una d'as ferramientas mas antigas y importants desembolicadas per os primers humans. Como arma, puede empunyar-se con una u dos mans. Se fazió servir en practicament toz os conflictos dica la era moderna, an mesmo alavez contina en forma de bayoneta fixa en un arma de fuego, y ye prebablement l'arma mas emplegada en a historia.[1]
S'ha observau que os chimpanzés de Kédougou, Senegal, creyan lanzas trencando ramas dreitas d'arbols, espullando-las d'a crosta y as ramas laterals y esmolando un cabo con os suyos dients. Dimpués fazioron servir as armas pa cazar especies d'o chenero Galagos qui son adormindo en foricons.[2]
Como muitas armas, una lanza tamién puede estar un simbolo de poder.
