Liquido

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Os liquidos prenen a forma d'o suyo contenedor.

O liquido (d'o latín < LIQUIDUM) ye un d'os estaus d'a materia. Ye un fluido, adintro do que os atomos u moleculas que lo forman se mueven librement en o suyo interior. S'esferencian d'os gases (tamién fluidos), en que as distancias entre as suyas moleculas son cuasi invariants por lo que se les considera cuasi incompresibles. D'atra man, a materia en estau liquido ye facilment deformable. A superficie ye una superficie libre en que o liquido no ye limitato por un contenedor.[1]

O paso d'o estau solido a o estau liquido se diz fusión, y o paso inverso ye a solidificación (conoixito como conchelación cuan se debe a una reducción d'a temperatura). O paso d'estau liquido a o estau gaseoso se diz evaporación, y o paso inverso ye a condensación.[2]

Os liquidos se mesuran en unidaz de volumen, la d'o Sistema Internacional d'Unidaz ye o metro cubico, encara que tamién gosa emplegar-se muit a sobén o litro, equivalent a un decimetro cubico. Tradicionalment en Aragón bi heba mesuras que s'utilizaban pa medir la cantidat de liquido, tals como l'arrobeta, o nietro, o cantaro, o charro (u pichera) y a pichereta.

Bels eixemplos de liquidos incheritos por os humans son l'augua, a leit u o vin.

Referencias

[editar | modificar o codigo]
  1. ↑ (en) White, Frank. Fluid mechanics. McGraw-Hill, Nueva York, 2003 ISBN 0-07-240217-2
  2. ↑ (ca) Estat líquid. Enciclopèdia Catalana