Livonios
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Livonios Līvlizt | ||||||||||||
|---|---|---|---|---|---|---|---|---|---|---|---|---|
 | ||||||||||||
 | ||||||||||||
|
| ||||||||||||
| ||||||||||||
| Livonio y letón | ||||||||||||
| Luteranismo | ||||||||||||
| estonios, ingrians, votos, vepsos | ||||||||||||
 | ||||||||||||
Os livonios[1] (en livonio līvlizt, en letón līvi, lībieši) habitan a part mes occidental de Letonia. Se calcula que os livonios son menos de 5.000 individuos. Parlan una luenga uralica propia d'a branca finesa cuasi desaparexita y son cristianos luteranos.
Luenga
[editar | modificar o codigo]
Ta mas información, se veiga l'articlo prencipal sobre idioma livonio.
A luenga livonia s'escribe dende o sieglo XIX y retaculó muito debant d'o letón. Quedando poquismos parlants. Dende a independencia de Letonia o gubierno ha empentato prochectos d'amostranza y recuperación pa evitar a inercia d'o proceso de rusificación que se produció dimpués d'a segunda Guerra Mundial. Chunto con l'aragonés ye una d'as luengas en mayor periglo de desaparición en Europa, pero a situación d'o livonio ye muito mes precaria.
Historia
[editar | modificar o codigo]Os livonios actuals son os zaguers restos d'un pueblo antigament muito mes numeroso y estendillato. En a Edat Meya tenioron una expansión dica Kurishes Haff. O territorio de Livonia, que correspondeba a la metat sud d'a Estonia actual a a la metat norte de Letonia prene nombre d'os livonios, que lo compartiban con atros pueblos finicos y baltos. Este territorio fue conquiesto por os Caballers Portaespatas, que dimpués s'adhibioron a la Orden Teutonica. Os livonios y atros pueblos autoctonos estioron en a subchección d'os nobles d'a tierra alemans dica 1919, cuan fue abolita a servitut.
Letonia fue ocupata por l'Exercito Royo Sovietico y en 1940 os livonios fuoron obligatos a abandonar a suya tierra, quedando ixemenatos. A zona d'os livonios yera vedata pa os letons. Huei os pocos livonios que quedan se restrinchen a la punta norte de Letonia.
O 4 de febrero de 1992 o gubierno letón encomenzó a executar o prochecto de creyación d'o territorio cultural protechito de Līvõd rānda u "Costa Livonia" a man de Mazirbe que incluye as doce principals localidaz livas: Lūžņa (livonio: Lūž), Miķeļtornis (Pizā), Lielirbe (Īra), Jaunciems (Ūžkilā), Sīkrags (Sīkrõg), Mazirbe (Irē), Košrags (Kuoštrõg), Pitrags (Pitrõg), Saunags (Sǟnag), Vaide (Vaid), Kolka (Kūolka), y Melnsils (Mustānum).
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Bibliografía
[editar | modificar o codigo]- (es) Gonen, Amiram. Diccionario de los pueblos del mundo. Anaya&Mario Muchnik, 1996. ISBN 978-8479793500.
