Luengas kartvelianas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas kartvelianas

Las luengas kartvelianas^[1] u luengas sudcaucasicas son una familia d'idiomas que se charran mes que mes a Cheorchia, con bellas comunidaz de parladors a Turquía, Irán y Rusia.

Encara que per un regular se fabla de luengas caucasicas en cheneral, los idiomas surcaucasicos no forman cheneticament un mesmo filo con as luengas d'o norte d'o Caucaso.

Clasificación

• Idiomas cheorchianos:
  • Cheorchiano (kartuli en cheorchiano), con uns 4 millons de parladors, d'os cuals 3.9 son a Cheorchia.
  • Chudeocheorchiano, con uns 80.000 parladors, d'os cuals 60.000 a Israel y 20.000 a Cheorchia. Lo consideran tamién una variedat dialectal d'o cheorchiano.
• Idiomas zan:
  • Mingrelián (margaluri en mingrelián, megruli en cheorchiano), con meyo millón de parladors patrimonials (1989), mes que mes a la rechión de Samegrelo (Mingrelia), a la Cheorchia occidental, y tamién -ta par d'alavez- a lo districto de Gali, a l'este d'Abkhasia. Muitos refuchiatos mingrelians d'Abkhasia viven hue a Tbilisi y altros cabos de Cheorchia.
  • Laz (lazuri en laz y cheorchiano, u tamién chanuri en cheorchiano), con 33.000 parladors patrimonials (1980), sobre tot en o litoral d'o Mar Negro d'o nord-este de Turquía, y bels 2.000 a Acharia, Cheorchia.
• Idioma suan:
  • Suan (lushnu en suan, svanuri en cheorchiano), con bels 15.000 parladors patrimonials en a rechión montanyesa de Suania u Suanetia (Svaneti), a lo nordueste de Cheorchia.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Se veiga tamién

• Luengas caucasicas