Luminosidat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Sol tien una luminosidat intrinseca de 3,83 × 1026 watts. En astronomía, ista cantidat ye igual a una luminosidat solar, representada per o simbolo L⊙. Asinas, una estrela con cuatro vegadas o poder radiant d'o sol tien una luminosidat de 4 L⊙.

A luminosidat ye una medida absoluta d'a potencia electromagnetica radiada (luz), a potencia radiant emitida per un obchecto emisor de luz a lo largo d'o tiempo.[1] En astronomía, a luminosidat ye a cantidat total d'enerchía electromagnetica emitida per unidat de tiempo per una estrela, galaxia u unatro obchecto astronomico.[2]

En unidaz d'o sistema internacional, a luminosidat se mide en joules per segundo u watts. En astronomía, as valors de luminosidat se dan a ormino en termins d'a luminosidat d'o Sol, L⊙. A luminosidat tamién se puede dar en termins d'o sistema de magnitut astronomica: a magnitut bolometrica absoluta (Mbol) d'un obchecto ye una medida logaritmica d'a suya taxa d'emisión d'enerchía total, mientres que a magnitut absoluta ye una medida logaritmica d'a luminosidat adintro d'un rango de longaria d'onda especifico u banda de filtro.

En contraste, o termin brilo en astronomía se fa servir por un regular pa referir-se a lo brilo aparent d'un obchecto: ye decir, qué tan brilant pareix un obchecto pa un observador. Lo brilo aparent depende tanto d'a luminosidat de l'obchecto como d'a distancia entre l'obchecto y l'observador, y tamién de cualsequier absorción de luz a lo largo d'o camín entre l'obchecto y l'observador. A magnitut aparent ye una medida logaritmica de brilo aparent. A distancia determinada per as midas de luminosidat puede estar bella cosa ambigua y, per tanto, a vegadas se denomina distancia de luminosidat.

Referencias

[editar | modificar o codigo]
  1. ↑ (en) Luminosity en a Encyclopædia Britannica
  2. ↑ (en) Morison, Ian (2013). Introduction to Astronomy and Cosmology. Wiley. p. 193. ISBN 978-1-118-68152-7.