MS-DOS
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
MS-DOS (acronimo de Microsoft Disk Operating System) ye un sistema operativo pa ordinadors personals basaus en x86 desembolicau prencipalment por Microsoft. Colectivament, MS-DOS, o suyo cambeo de nombre como IBM PC DOS y cualques sistemas operativos que intentan estar compatibles con MS-DOS, a vegadas se denominan "DOS" (que tamién ye o acronimo chenerico de sistema operativo de disco).
MS-DOS estió o prencipal sistema operativo pa os ordinadors personals compatibles con IBM PC entre o decenio de 1980, inte en o cual estió reemplazau gradualment por sistemas operativos que ofriban una interficie grafica d'usuario (GUI), en cuantas cheneracions d'o sistema operativo grafico Microsoft Windows. IBM obtenió a licencia y lo relanzó en 1981 como PC DOS 1.0 pa o suyo emplego en os suyos PC. Encara que MS-DOS y PC DOS estioron desembolicaus inicialment en paralelo por Microsoft y IBM, os dos productos diverchoron dimpués de doce anyos, en 1993, con diferencias reconoixibles en compatibilidat, sintaxi y capacidaz. Entre a suya vida util, se lanzoron cuantos productos d'a competencia pa la plataforma x86, y MS-DOS pasó por ueito versions, dica que o desembolique cesó en 2000. Inicialment, MS-DOS yera endrezau a procesadors Intel 8086 que s'executaban en hardware d'ordinador usando disquez pa almagazenar y accedir no solament a o sistema operativo, sino tamién a o software d'aplicación y a os datos de l'usuario. Os lanzamientos de versions progresivas brindoron suporte pa atros meyos d'almagazenamiento masivo en grandarias y formatos cada vegada mayors, de conchunta con suporte de funcions adicionals pa procesadors mas nuevos y arquitecturas d'ordinador en rapida evolución. En zaguera instancia, estió o producto clau en o desembolique de Microsoft d'una empresa de luengaches de programación a una empresa de desembolique de software diversa, proporcionando a la empresa recursos esencials d'ingresos y marketing. Tamién yera o sistema operativo basico subchacent en o cual as primeras versions de Microsoft Windows s'executaban como que GUI.
