Masa

A masa^[1] ye una propiedat d'os obchectos fisicos que mesura la cantidat de materia que se troba en un obchecto. Ye un concepto fundamental d'a mecanica y toz os temas relacionaus. En o Sistema Internacional, a masa se mesura en kilogramos.

A masa se puet referir a dos conceptos:

• A masa inercial ye una mesura d'a inercia d'un obchecto, ye decir, a suya resistencia a cambiar o suyo estau de movimiento cuan li s'aplica una fuerza. Un obchecto con poca masa inercial cambia lo suyo movimiento con facilidat, mientres que un obchecto con una gran masa no pas.
• A masa gravitacional ye una mesura d'a fuerza d'interacción d'un obchecto con a fuerza gravitatoria. En un mesmo campo gravitacional, un obchecto con menor masa gravitatoria experimenta una fuerza menor que un obchecto de mayor masa gravitatoria (ista cantidat se trafuca a vegatas con o peso).

S'ha contrimostrato experimentalment, con a maxima precisión con que se puet mesurar, que a masa inercial y la gravitatoria d'un obchecto son iguals, encara que conceptualment se consideren diferents.

Bibliografía

• Joaquim Agulló i Batlle: Mecànica de la partícula i del sòlid rígid, Publicacions OK Punt, 1995, ISBN 84-920850-0-2.
• E. F. Taylor y J.A. Wheeler: Spacetime Physics. W.H. Freeman, Nueva York, 1992. ISBN 0-7167-2327-1.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Vinclos externos

• Se veigan as imáchens de Commons sobre a masa.