Mientras dure la guerra
Mientras dure la guerra (títol orichinal en castellano, en aragonés Mientres que dure la guerra, enguerada en Aragón con o suyo títol orichinal) ye una cinta de l'anyo 2019 de cine de drama biografico historico coproducida por o cine espanyol y lo cine archentino dirichida por Alejandro Amenábar seguntes un guión orichinal d'Alejandro Amenábar y Alejandro Hernández, con una banda sonora orichinal d'Alejandro Amenábar, una dirección de fotografía d'Álex Catalán, una producción cinematografica de Fernando Bovaira, Domingo Corral, Hugo Sigman y Alejandro Amenábar, y un elenco formau por os actors Karra Elejalde, Eduard Fernández, Santi Prego, Luis Bermejo, Tito Valverde, Patricia López Arnaiz, Inma Cuevas, Carlos Serrano-Clark, Luis Zahera, Ainhoa Santamaría, Mireia Ruiz, Luis Callejo, Dafnis Balduz, Jorge Andreu y Nathalie Poza.
A cinta se centra en a secuencia de feitos escaicius en a ciudat de Salamanca dende chulio de 1936 a traviés d'os uellos de Miguel de Unamuno y dica la suya muerte en aviento d'ixe mesmo anyo. A cinta prencipia con a proclamación por as tropas sublevadas contra la II Republica Espanyola de l'estau de guerra y con os primers disparos contra la población, feitos que en primeras Unamuno, rector d'a Universidat de Salamanca en ixas envueltas, chustifica y refirma. Poquet a poquet se veye cómo detienen y asasinan a Casto Prieto Carrasco, alcalde d'a ciudat por o Partido Socialista Obrero Español, cómo desaparixe Atilano Coco, pastor d'a Iglesia Española Reformada Episcopal y amigo d'Unamuno, encara que en iste caso preba d'intervenir ta obtener a suya liberación, y cómo encara en a suya presencia un grupo de militants de Falange Española de las JONS detiene a Salvador Vila Hernández, rector d'a Universidat de Granada y tamién amigo d'Unamuno, sin que iste pueda fer cosa. Tamién s'amuestra en a cinta o progresivo distanciamiento d'Unamuno respective d'os sublevaus y lo suyo conoixiu enfrentamiento con José Millán-Astray en o paraninfo d'a Universidat. Mientras dure la guerra tamién amuestra o proceso que condució a l'asumpción d'o poder unico por parte de Francisco Franco adintro d'os sublevauos, substituyindo lo poder compartiu entre los chenerals sublevaus que inicialment existiba a traviés d'a Junta de Defensa Nacional.
Asinas, a cinta s'ambienta en a ciudat de Salamanca (Castiella y Leyón) en a segunda metat de 1936, y las suyas escenas se filmoron en ixa mesma ciudat, en Zeanuri (Bizcaya, País Basco), en Madrit y en Toledo (Castiella-La Mancha).[2]
D'atra man, Mientras dure la guerra ha recibiu cuantismos premios y nominacions, en destacando cinco Premios Goya (incluyiu Millor Actor Segundario) y doce nominacions (incluyius Millor Cinta, Millor Dirección, Millor Actor, Millor Guión Orichinal, Millor Actriz Segundaria, Millor Actor Revelación y Millor Actriz Revelación), en a suya 34ena edición.[3]
Elenco[4]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 1,2 (en) Enguero de Mientras dure la guerra en Internet Movie Database
- ↑ (en) Localizacions de Mientras dure la guerra en Internet Movie Database.
- ↑ (es) Mientras dure la guerra en a pachina web oficial d'os Premios Goya.
- ↑ (en) Mientras dure la guerra en Internet Movie Database.
Vinclos externos
[editar | modificar o codigo]- (en) Mientras dure la guerra en Internet Movie Database.
- (fr) Mientras dure la guerra en Allociné.
- (es) Mientras dure la guerra en FilmAffinity.
- (en) Mientras dure la guerra en Letterboxd.
- (en) Mientras dure la guerra en Rotten Tomatoes.
