Miss Congeniality 2: Armed and Fabulous (títol orichinal en anglés, en aragonés Miss simpatía 2: armada y fabulosa, enguerada en Aragón con o títol en castellano de Miss Agente Especial 2: Armada y fabulosa) ye una cinta de cine estausunidense de comedia d'acción de l'anyo 2005 dirichida por John Pasquin seguntes un guión orichinal de Marc Lawrence basau en os personaches creyaus por Marc Lawrence, Katie Ford y Caryn Lucas ta Miss Congeniality (2000, Donald Petrie), cinta d'a cual en ye una secuela. A banda sonora orichinal d'a cinta ye un treballo de John Van Tongeren, a suya dirección de fotografía ye al cudiau de Peter Menzies Jr. y la producción cinematografica la facioron Sandra Bullock y Marc Lawrence ta las productoras Fortis Films, Castle Rock Entertainment y Village Roadshow Pictures. L'elenco d'actors d'a cinta ye formau por Sandra Bullock, Regina King, Enrique Murciano, William Shatner, Ernie Hudson, Heather Burns, Diedrich Bader, Treat Williams, Abraham Benrubi, Nick Offerman, Eileen Brennan, Adam Lefevre, Elisabeth Röhm, Leslie Grossman y Lusia Strus.
En Miss Congeniality 2: Armed and Fabulous continan as aventuras de l'achent especial d'o Federal Bureau of Investigation (FBI) Gracie Hart, que ista vegada, protechida por a suya conflictiva companyera Sam Fuller tracta de solucionar o secuestro de Miss Estaus Unius, a qui conoixeba d'a cinta anterior. Ambientada en Las Vegas (Nevada) en epoca actual d'a cinta (2005) se rodó en ixa mesma ciudat amás d'en Nueva York y Los Angeles. A cinta recibió bels premios y nominacions, encara que garra d'éls d'entre los prencipals premios cinematograficos.
Actor | Papel | Notas |
---|---|---|
[[]] | ' |