Monche

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un monche cristiano.

Un monche (de l'occitano <monge)[1] ye una persona que vive en ascetismo por razons relichiosas, ya sia solo u con atros monches fendo parte d'una congregación. A más d'en o cristianismo se troba monches en atras relichions como o budismo, o khainismo, l'hinduismo, o taoísmo, etc.

Seguntes o suyo modo de vida, os monches se pueden clasificar en cenobitas os que viven en monesterios, eremitas os que viven en ermitas y santuarios que tienen a cudiau suyo, y anacoretas os que viven alpartaus de tot y adedicaus a l'oración y a penitencia.

En o cristianismo catolico, os monches cenobitas viven organizaus baixo reglas d'entre as que en ye principal por lo antigas y por haber serviu de base a atras reglas desenvolicadas dimpués a Regla de Sant Agostín, feita por Sant Agostín d'Hipona y que daría la orden mendicant agostina, y a Regla de Sant Benedet, escrita por Sant Benedet de Nursia en o sieglo VI, y que daría paso a la orden monastica benedictina.

Seguntes a Regla de Sant Benedet, os monches pueden estar cenobitas, eremitas, sarabaítas y chirovagos, d'entre os quals os dos primers tipos viven conformes con normas y votos y os dos zaguers viven sin obedencias y a costa d'os primers.[2] En o catolicismo, os monches que pertenecen a bella orden mendicant reciben o nombre de «flaires».

Ditos y mazadas

[editar | modificar o codigo]
  • «u todos monches u todos canonches»[3]

Se veiga tamién

[editar | modificar o codigo]

Enlaces externos

[editar | modificar o codigo]

Referencias

[editar | modificar o codigo]
  1. ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.313
  2. ↑ (es) JUST, Cassià M. Regla de San Benito con glosas para una lectura actual de la misma por el abad. Ediciones Monte Casino. Zamora, 1983. ISBN 84-85139-78-X
  3. ↑ (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.248