A Orden Safavida estió una orden sufí creyata a fins d'o sieglo XIII y principios d'o sieglo XIV por Safí al-Din como succesor espiritual d'o xaic Zahid de Gilan, que dirichiba una orden local. Safí al-Din creyó una orden de mayor difusión, con disciplos en Anatolia Oriental, Caucas, Siria y Irán. En o sieglo XV prenió caracters revolucionarios, se fació mes chiita y prenió importancia politica y militar. Os soldatos safavidas yeran conoixitos como Kizil Bax por os turcos. Entre los anyos 1459 y 1494 tres mayestres d'a orden morioron con violencia, pero en l'anyo 1501 Ismail estió capable ta derrotar a los enemigos d'a orden con a edat de 14 anyatas, proclamando-se xah y encomenzando a dinastía Safavida de Persia.
