Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O pico (localment pizco, en l'alta Cinca y as suyas vals subsidiarias, como Chistau,[1][2] en Sobrarbe) (d'o celta < beccus) ye a forma anatomica como tienen tipicament a boca os animals d'a clase Aves (as aus) y tamién cualques atros grupos de vertebraus muit concretos, como as tartugas y os ornitorrincos.
De regular, o pico se forma d'os uesos maxilar superior y maxilar inferior que son recubiertos d'una cubierta de material cornio (queratina) que en zoolochía se diz ranfoteca. Os cefalopodos (como os pulpos, sepias y calamars) tienen una estructura pareixida que tamién fa la función de mandibula (son invertebraus y no en tienen una real), feita de queratina pero sin suporte de ueso.