Plantae

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Esta pachina tracta sobre as plantas, sers vivos. Ta altros usos d'a palabra se veiga Planta (desambigación).
Plantas
Rechistro fosil: Dende l'Ordovicián dica l'actualidat
Plantas
Diversidat de plantas, flors y fruitos.
Clasificación scientifica
Dominio: Eukaryota
Reino: Plantae
Divisions
Una escurpiona (Myosotis spp.)

As plantas[1] (cientificament, o reino Plantae) son os organismos fotolitoautotrofos respiradors d'oxicheno, mayoritariament pluricelulars anque bi ha divisions formadas d'organismos unicelulars fotosinteticos que tradicionalment se son estudeadas per a Botanica que la suya filiación con as verdateras plantas ye descutida. Son formadors de materia organica a partir d'o carbonio atmosferico (CO2) y d'a enerchía que obtienen d'a luz, meyante un proceso bioquimico dito fotosintesi.

O termin planta ye bastant ambigo, perque en a tradicional división que fayoron Teofrasto y Aristótil d'os sers vivos en dos reinos (animals y plantas) o prencipal criterio embrecato no estió si que la capacidat de movimiento d'as creaturas. Se i han feito tantos cambeos en o zaguer sieglo que huei cal definir qué s'entiende per «planta» en basando-se en diversos criterios cientificos.

De bel estudio de chenetica molecular se n'ha quitau que las plantas con clorofila son tota descendients d'as algas verdas.

Actualment son consideradas como plantas toz os organismos eucariotas, y pluricelulars, que d'una u altra maniera tiengan bel tipo de pigmento fotosintetico, l'empleguen ta una alimentación autotrofa u semi-heterotrofa (cal recordar que bi ha plantas parasitas como la visca, u carnivoras como las violas d'as penyas). As plantas pueden reproducir-se de forma sexual u asexual, pendendo d'a suya especie, u d'a fase d'o suyo cerclo vital a on que se troben (cerclos haplonts, diplonts u haplodiplonts).

D'a palabra latina «planta» se'n fayó lo vocable «plantae» (que ye lo plural) ta designar o reino, y encara que totas as plantas propiament ditas son cuaternadas adintro d'este reino, no de totas as «plantae» se'n ye dito mai plantas popularment; per eixemplo, as molsas, hepaticas y altros organismos parellans son tecnicament «plantae» per as suyas caracteristicas pero no se son pas ditos plantas a nivel popular.

En l'anyo 2010 bi heba identificatas mas de 320.000 especies de plantas,[2] anque se creye que bi ha mas de 350.000.

Durada

[editar | modificar o codigo]

De regular, totas as especies de plantas tienen una lonchevidat concreta. D'alcuerdo con ixe criterio, en botanica gosa debidir-se as plantas en:

  • Anyals; as cuals medran y se reproducen dintro d'una sola anyada: trigo, hordio, panizo, ecetra.
  • Bianyals; as que creixen en una anyada y alavez aguardan ta reproducir-se en a siguient: verza, rabano, carrota, ecetra.
  • Plurianyals; aquellas que tienen un cerclo vital que s'acompleta en mes de dos anyadas, pero que nomás libran flors una vegada d'antes no amorten: p, ex. o chenero Agave.
  • Peréns; que viven diversos anyos y, cuan son plegadas en a edat adulta, prencipan a reproducir-se periodicament: arbols, arbustos, ecetra...

Usos

[editar | modificar o codigo]

O estudio d'os usos d'as plantas se clama etnobotanica u botanica economica, o suyo cultivo ye a base d'a civilización humana y ye clamata agricultura que ye dividita en agronomía, horticultura y silvicultura.

Alimentación

[editar | modificar o codigo]

Ye una important fuent d'alimentación ta os humans y a unica ta os vechetarians, tamién ta os animals herbivoros y complemento d'a dieta d'os omnivoros.

Tamién bi ha alimentos derivatos d'as plantas o d'os suyos fruitos como o zucre d'a canya de zucre y l'olio de fruitos como a oliva, o chirasol, a palma y a soya.

Decoración

[editar | modificar o codigo]

As plantas a sobén son utilizatas ta decoración, a vegatas en o exteriors d'as casas, as terrazas, os balcons, en baldas de finestras y parques utilizando prencipalment árbols, flors y arbustos. En l'interior d'as casas y edificacions es fan servir plantas d'interiors, flors y arbustos chicoz.

Medecina y farmacia

[editar | modificar o codigo]

Cualques tipos de plantas se fan servir dende a prehistoria ta curar as malautias y feridas d'os sers humans. A medecina y a farmacia fan servir substancias d'as plantas ta curar y fer medecinas.

Construcción

[editar | modificar o codigo]

Cualques tipos y partis de plantas tamién se fan servir ta a construcción, mas que mas a madera d'árbols y arbustos de que se fa casas enteras, atros edificios u as suyas estructuras, mesmo en construccions destinatas ta atros usos que no siga vivir-ie como corrals, bordas, pallers, cuadras, cubilars, ilesias, tellaus ta guardar automovils, entre d'atros.

Atros tipos de plantas u otras partis como fuellas grans pueden fer-se servir ta impermeabilizar tellaus.

Bibliografía

[editar | modificar o codigo]
  • de Asso, Ignacio, Synopsis stirpium indigenarum Aragoniae. Massiliae 1779.[1].
  • Loscos, Francisco, Tratado de plantas de Aragon. Madrit 1876-1877. [2]
  • Evans, L. T. (1998). Feeding the Ten Billion - Plants and Population Growth. Cambridge University Press. Paperback. ISBN 0-521-64685-5.
  • Kenrick, Paul & Crane, Peter R. (1997). The Origin and Early Diversification of Land Plants: A Cladistic Study. Washington, D. C.: Smithsonian Institution Press. ISBN 1-56098-730-8.
  • Raven, Peter H., Evert, Ray F., & Eichhorn, Susan E. (2005). Biology of Plants (7th ed.). New York: W. H. Freeman and Company. ISBN 0-7167-1007-2.
  • Taylor, Thomas N. & Taylor, Edith L. (1993). The Biology and Evolution of Fossil Plants. Englewood Cliffs, NJ: Prentice Hall. ISBN 0-13-651589-4.

Se veiga tamién

[editar | modificar o codigo]

Referencias

[editar | modificar o codigo]
  1. ↑ (an) Silbia Garcés Lardiés,Francho Rodés Orquín:Un borguil de palabras.Bocabulario dialeutal escolar, Gubierno d'Aragón, 2006, ISBN 84-689-7358-0, p.42
  2. ↑ Número de especies por reino.

Vinclos externos

[editar | modificar o codigo]