Quigley Down Under
Quigley Down Under (títol orichinal en anglés, en aragonés Quigley per baixo, enguerada en Aragón con o títol d'Un vaquero sin rumbo) ye una cinta de cine de western de l'anyo 1990 coproducida por o cine australiano y lo cine estausunidense, dirichida por Simon Wincer seguntes un guión orichinal de John Hill, con una banda sonora orichinal de Basil Poledouris, una dirección de fotografía de David Eggby, un montache cinematografico de Peter Burgess y una producción cinematografica de Stanley O'Toole y Alexandra Rose ta la productora cinematografica Pathé Entertainment. Fan parte de l'elenco d'actors d'a cinta, entre d'atros, Tom Selleck, Laura San Giacomo, Alan Rickman, Chris Haywood, Ron Haddrick, Tony Bonner, Jerome Ehlers, Conor McDermottroe, Roger Ward, Ben Mendelsohn, Steve Dodd, Karen Davitt, Kylie Foster, William Zappa, Jonathan Sweet, Ollie Hall, Michael Carman y Vic Gordon.
Matthew Quigley ye un "cobwoy" estausunidense con una gran capacidat ta disparar con un rifle, poseyendo amás un rifle modificau de gran calidat. Bel día troba un anuncio en un periodico a on demanan un tirador y decide contactar. Lo treballo ye en Austrlia y cuan i plega troba a uns hombres que quieren fer puyar a la fuerza a Crazy Cora en a suya carreta, y cuan decide intervenir se baralla con ñels, encara que resultan estar treballadors d'a mesma persona que lo heba contractau que quereban levar mullers ta lo rancho, causaus de tener sexo nomás que con aboríchens australianas. Cuan finalment charra con qui l'ha contractar, descubre que l'obchecto d'o contracto ye de disparar contra los aboríchens que viven en a redolada ta exterminar-los, y se niega a fer ixe "treballo", barallando-se con todo lo grupo. Como Cora (qui l'ha seguiu en o suyo viacche) l'aduya en a baralla, deciden albandonar-los a toz dos en bel meyo d'o desierto ta que mueran, pero Matthew consigue recuperar un fusil y matar a los dos "cowboys" que los conduciban. Tanimientres, perdius, agotaus, sin minchar y sin augua tienen a muerte bien amán, pero por suerte ta éls los troba un grupo d'aboríchens que lis salva la vida. Bien luego Matthew tien a oportunidat de tornar-lis o favor, porque un grupo de "cowboys" aparixe disparando y asasinando a los aboríchens, y él mata a parte d'o grupo, fuyindo los atros. Dende alabez, Marston, o propietario d'as tierras, nomás qtein l'obchectivo de cazar a Matthew qui, a la vegada, nomás fa que matar poquet a poquet a los "obwoys" que ninvían contra él.
A cinta s'ambienta mientres os anyos 1860 en Australia Occidental en Australia y las suyas escenas se filmoron en Alice Springs en o Territorio d'o Norte, en Sydney en Nueva Galas d'o Sud y en Warrnambool, Apollo Bay y Melbourne en Alice Springs en o Territorio d'o Norte, en Sydney en Nueva Galas d'o Sud y en Warrnambool, Apollo Bay y Melbourne en Victoria, tamién en Australia.[2]
Se tracta d'una cinta que ha recibiu bels premios y nominacions, pero garra d'istos premios no perteneixe a los premios cinematograficos mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]
Datos: Q1544448