Río Xiloca
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo ye sobre lo río teruelano. Pa atros emplegos se veiga Xiloca (desambigación).
| Xiloca Jiloca | |
|---|---|
 Puent romano sobre lo río Xiloca en Calamocha. | |
Administración
| |
| Estaus | {{{estaus}}} |
| Territorios | .svg){kind=small} Teruel.svg){kind=small} Zaragoza
|
Cheografía
| |
| Longaria | 123 km |
| Altaria d'o naixedero | m |
| Naixedero | Cella |
| Desembocadura | río Xalón |
Hidrolochía
| |
| Superficie d'a cuenca | {{{cuenca}}} km² |
| Cabal meyano | 3,4 m.3/sg m³/s |
Mapa
| |
 O Xiloca en Aragón | |
Lo río Xiloca u Exiloca ye un afluent de lo río Xalón que naixe en lo pozo artesiano de Cella y circula enta lo norte pa recullir-se en Calatayú.
Pasa por los termins municipals de Cella, Villar Cremato, Santa Olalia, Torremocha de Xiloca, Torre la Cárcel, Alba, Cingla, Villafranca, Mont-reyal, Torrillo, Camín Reyal, Fuents Claras, Calamocha, Luco de Xiloca, Baguena, Burbaguena, Sant Martín d'el Río, Villanueva de Xiloca, Daroca, Manchons, Murero, Villafelich, Montón, Fuents de Xiloca, Morata de Xiloca, Viliella de Xiloca, Maluenda, Paracuellos de Xiloca y Calatayú.
Los lugars y ciudaz por a on pasa se distribuyen en cuatro comarcas oficials actuals:
Part de los territorios de la Comunidat de Teruel que abocan las suyas auguas a Xiloca yeran conoixius en ixas envueltas de los musulmans como Sahla, toponimo que s'ha convertiu en Cella y que significa "la plana" en arabe. Sahla perteneixeba a la Taifa d'Albarracín.
Los lugars de la compleganza de Xiloca que perteneixeban a la Comunidat de Daroca en la Edat Meya formaban la Sexma del río Xiloca.
Los lugars de la compleganza de Xiloca que perteneixeban a la Comunidat de Calatayú en la Edat Meya formaban atra Sexma dita tamién Sexma del río Xiloca.
La suya cuenca coincide en gran part con la depresión de Calatayú-Teruel, que incluye la fuesa de Xiloca, la depresión de Calatayú y Mont-albán y la fuesa de Daroca. Los suyos afluents son lo río de Barrachina y ramblas que levan augua mes que mes en los meses de plevia y en las tronadas de verano.
Bi ha escenarios actuals de capturas fluvials a costa de la cuenca endorreica de Gallocanta entre Torralba de los Sisons y Fuents Claras.[1] Manimenos, estió la cuenca alta de Xiloca la que perdió superficie en lo Pleistoceno, cuan la erosión regresiva de río Guadalaviar se dirichió enta la fuesa de Xiloca plegando dica Exea d'Albarracín y encaixando-se en la zona d'Abuán y d'Arquillo de San Blas. Este encaixamiento quedó topograficament baixo l'altaria de Cella y encomenzó a desauguar enta Teruel y lo golfo de Valencia las auguas de la Serranía d'Albarracín, que ya no se dirichen enta Xiloca.[2]
La val de lo río s'estretix y entalla lo substrato rocoso en la zona de Luco de Xiloca por la presencia de rocas paleozoicas duras. Manimenos a partir de Luco de Xiloca comienza la fuesa de Daroca[3] y en la redolada de Daroca s'ixampla de nuevo por la presencia de materials tovos que plenoron esta fuesa en lo Plioceno. La fuesa de Daroca plega dica Murero[3], y ya Villafelich y Manchons lo río se troba con atros materials paleozoicos duros y torna a entallar lo substrato rocoso, tornando a ixamplar-se la val en los materials terciarios de la Cuenca de Calatayú, deixando a la dreita la plataforma calsinosa de Miedes. En este sector los solos afluents son ramblas como la rambla d'Aceret.
Se reculle en lo río Xalón en Calatayú.
Toponimia
[editar | modificar o codigo]En Al-Udri se troba escrito como Xaluwqah. En los textos medievals en latín y aragonés s'escribe Xiloca, Exiloca, Xiluequa, ecetra. G.Rohlfs considera que ye un toponimo prerromano relacionau con Daroca, manimenos existe la hipotesi que relaciona Xiloca con la mesma radiz arabe que da nombre a lo viento "exaloc", con direccion pareixida a la situación de lo castiello de Xiloca respecto a los castiellos de Calatayú.
Los toponimos que fan referencia a lo río Xiloca no levan articlo definiu (Fuents de Xiloca, Paracuellos de Xiloca, ecetra), ni en l'aragonés orichinal que se charraba en la baixa Edat Meya ni en lo castellano actual. Los elementos cheograficos referius a este río figuran tamién sin articlo en castellano de lo sieglo XVIII, por eixemplo en Historia de la Economía Política de Aragón de Ignacio Jordán Claudio de Asso y del Río (ribera de Xiloca, vega de Xiloca y huerta de Xiloca[4]).
Referencias
[editar | modificar o codigo]- ↑ (es) F. J. García Prieto, Francisco Gutiérrez Santolalla: Geomorfología karstica de las cuencas de Gallocanta y Jiloca (provincia de Teruel). Publicau en Teruel: Revista del Instituto de Estudios Turolenses, Vol. 87, Nº 1, 1999, pp. 63-68.
- ↑ (es) Jorge Hermosilla Pla (dir.):Los regadíos históricos del Alto Turia turolense. Generalitat Valenciana, Conselleria de Cultura, Educació i Esport, Universidat de Valencia, 2008. ISBN 978-84-370-7316-3. p 101.
- ↑ 3,0 3,1 (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.
- ↑ (es) Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010
| Afluents d'o río Xiloca | |||||
|---|---|---|---|---|---|
| |||||
| Afluents d'o río Xalón | |||||
|---|---|---|---|---|---|
| |||||
