Socialismo con caracteristicas chinesas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo sistema teorico d'o socialismo con caracteristicas chinesas (en chinés, 中国特色社会主义; pinyin, Zhōngguó tèsè shèhuìzhǔyì, literalment zhōngguó tèsè, que significa "caracteristicas chinesas"; y shèhuì zhǔyì que significa "socialismo")^[1] ye un termin amplio pa las teorías y politicas que son vistas per os suyos proposants como representativas d'o marxismo-leninismo adaptau a las circumstancias chinesas y a periodos de tiempo especificos. Per eixemplo, en este punto de vista se considera que lo pensamiento de Xi Jinping representa las politicas marxistas-leninistas adecuadas pa la situación actual de China, mientres que la teoría de Deng Xiaoping se consideró relevant pa lo periodo en que se formuló.^[2]

Lo termin dentró en uso común entre la yera de Deng Xiaoping y s'asoció en gran medida con o programa cheneral de Deng d'adoptar elements d'a economía de mercau como meyo pa escaticiar lo creiximiento utilizando la inversión estranchera y augmentar la productividat (especialment en o campo, an viviba lo 80% d'a población de China), mientres que lo Partiu Comunista de China mantenió lo suyo compromiso formal d'aconseguir lo comunismo y lo suyo monopolio sobre lo poder politico.^[3] En a narrativa oficial d'o partiu, lo socialismo con caracteristicas chinesas ye lo marxismo-leninismo adaptau a las condicions d'a población chinesa y ye un producto d'o socialismo cientifico. La teoría achustaba que China se trobaba en a etapa primaria d'o socialismo a causa d'o suyo livel relativament baixo de riqueza material y amenesteba participar en o creiximiento economico antes d'acazar una forma mes igualitaria de socialismo, lo que a la suya vegada conduciría a una sociedat comunista descrita en a ortodoxia marxista.

Referencias

1. (en) "Chinese dictionary". Yellow bridge. yellowbridge.com. https://www.yellowbridge.com/chinese/dictionary.php. Retrieved 3 de chulio de 2018. 
2. (zh) "Full text of the letter by China's Minister of Commerce". Xinhua News Agency. 2 de chulio de 2018. http://www.xinhuanet.com/english/2018-07/02/c_137296686.htm. Retrieved 3 de chulio de 2018. 
3. (en) Xiaoping, Deng (1 d'octubre de 1984). "Building Socialism with a Specifically Chinese Character". Diario d'o Pueblo. http://newlearningonline.com/new-learning/chapter-4/deng-xiaoping-socialism-with-chinese-characteristics. Retrieved 3 de chulio de 2018.