Stillwater (cinta)

Iste articlo ye sobre una cinta estausunidense d'intriga dramatica policiaca de l'anyo 2021; ta atros usos, se veiga Stillwater.

Stillwater
Títol	Stillwater

Ficha tecnica
Dirección	Tom McCarthy
Dirección artistica	Loïc Chavanon Stéphane Cressend Thierry Zemmour
Producción	Steve Golin Tom McCarthy Jonathan King Liza Chasin
Disenyo de producción	Philip Messina
Guión orichinal	Tom McCarthy Marcus Hinchey Thomas Bidegain Noé Debré
Musica	Mychael Danna
Fotografía	Masanobu Takayanagi
Montache	Tom McArdle
Escenografía	Sophie Phillips Bruno Taddei
Vestuario	Karen Muller Serreau
Casting	Kerry Barden Anne Fremiot Paul Schnee
Actors	Matt Damon Abigail Breslin Camille Cottin Lilou Siauvaud Deanna Dunagan Idir Azougli Anne Le Ny Moussa Maaskri William Nadylam
Datos y cifras
País(es)	Estaus Unius
Anyo	2021
Debantadera	8 de chulio de 2021 Festival Internacional de Cine de Canas (Canas, Provenza-Alpes-Costa Azul, Francia)^[1]
Chenero(s)	Cine d'intriga Cine de drama Cine policiaco
Durada	140 min.
Idioma(s)	Anglés Francés Castellano
Companyías
Productora(s)	Participant DreamWorks Pictures Slow Pony Anonymous Content 3dot Productions Supernatural Pictures
Distribución	Focus Features
Presupuesto	20 millons de dólars
Recauto	19,8 millons de dólars
Informacions en bases de datos especializadas:

Stillwater (títol orichinal, enguerada en Aragón con ixe mesmo títol) ye una cinta de cine d'intriga dramatica policiaca de cine estausunidense enguerada l'anyo 2021, dirichida por Tom McCarthy seguntes un guión orichinal d'él mesmo, Marcus Hinchey, Thomas Bidegain y Noé Debré, con una banda sonora orichinal de Mychael Danna, una dirección de fotografía de Masanobu Takayanagi, una producción cinematografica de Steve Golin, Tom McCarthy, Jonathan King y Liza Chasin ta las productoras Participant, DreamWorks Pictures, Slow Pony, Anonymous Content, 3dot Productions y Supernatural Pictures y que conta con un elenco formau por, entre d'atros actors, Matt Damon, Abigail Breslin, Camille Cottin, Lilou Siauvaud, Deanna Dunagan, Idir Azougli, Anne Le Ny, Moussa Maaskri y William Nadylam.

Bill Baker ye un obrero agora sin treballo fixo y nomás que con treballos ocasionals que vive en Stillwater (Oklahoma). Ha trobau un treballo en Shawnee dimpués d'un tornado pero tien posibilidaz de que lo contracten ta treballar una atra vegada en una plataforma petrolifera. Tanimientres, antes visita a Sharon, la mai de su esposa falleixida, ta marchar dimpués enta Marsiella en Francia, a on ye engarcholada su filla Allison dende fa 5 anyos cumplindo una condena de 9 por asasinato: ye condenada por haber asasinau a su amant y companyera de cambra, Lina. Cuan visita a su filla, ista li da una carta adrezada a lo suyo avogau a on torna a proclamar a suya nocencia y amás diz que ha recibiu a traviés d'o suyo profesor en a universidat noticias que puet estar que demuestren que ella no ha estau pas l'asasina. Pero cuan l'avogau explica a Bill que garra chuez mai no reubrirá lo caso fundando-se nomás que en rumors. Bill miente a su filla decindo-le que l'avogau treballará ta reubrir o chudicio y escomencipia a investigar por a suya cuenta. Como no charra pas francés, recibe l'aduya d'una muller francesa y de su filla que ha conoixiu por casualidat, y en o tiempo que pasan chuntos comienza a naixer bella cosa mas que una amistat.

A cinta s'ambienta en a suya epoca actual (2021) en Stillwater (Oklahoma) en os Estaus Unius y en Marsiella (Bocas d'o Roine) en Francia, y las suyas escenas se filmoron en Arcadia, Chickasha, El Reno, Guthrie y Stillwater (Oklahoma) en os Estaus Unius y en cuantas localizacions en Marsiella (Bocas d'o Roine) en Francia.^[2]

Stillwater ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.